Infraqurylymdy damytýǵa arnalǵan «Nurly jol» memlekettik baǵdarlamasyn júzege asyrý aiasynda aldaǵy qurylys maýsymyndaǵy jumystar respýblikalyq jáne jergilikti mańyzy bar joldyń 6 myń shaqyrymyn qamtityn bolady, dep habarlaidy "Ult aqparat".
«Osylaisha, qurylys jáne rekonstrýktsiia respýblikalyq mańyzy bar joldardyń 4,7 myń shaqyrymynda júrgizilmek. Budan bólek, jergilikti avtojoldar jelisiniń 1,3 myń shaqyrymy jol jóndeý jumystarynyń barlyq túrimen qamtylyp, jaqsy jáne qanaǵattanarlyq joldardyń úlesi 76 paiyzdy quramaq», - delingen QR Indýstriia jáne infraqurylymdyq damý ministrligi málimetinde.
Sonymen qatar, 2021 jyldyń birinshi toqsanynda uzyndyǵy 5,8 myń shaqyrym bolatyn aqyly jol ýchaskelerin testilik paidalanýǵa engizý josparlanýda. Al biylǵy jyldyń ekinshi toqsanynda tolyqtai iske qosylýy tiis.
Aita ketý kerek, 2021 jyldyń sońyna deiin jol boiyndaǵy qyzmet kórsetý nysandarynyń 66%-yn Ulttyq standart talaptaryna sáikestendirý kózdelip otyr. Budan bólek, rekonstrýktsiia aiasynda 40 sanitarlyq-gigienalyq torapty ornatý jáne kútip ustaý josparlanýda. Jeke investitsiialar esebinen SGT bar 33 janarmai beketi jáne 15 sanitarlyq-gigienalyq torap turǵyzylmaq. Sondai-aq, kelisim aiasynda jyl sońyna deiin «Compass» zamanaýi avtojoldar kesheniniń tórteýi salynady.
