QR Premer-Ministri Asqar Maminniń tóraǵalyǵymen ótken Úkimet otyrysynda Úkimettiń zań jobalaý jumystarynyń 2020 jylǵa arnalǵan josparynyń oryndalý barysy jáne 2021 jylǵa arnalǵan Jospar jobasy qaraldy, dep jazady primeminister.kz.
Ádilet ministri Marat Beketaev baiandama jasap, Úkimettiń 2020 jylǵa arnalǵan zań jobalaý jumystarynyń jospary tolyq oryndalǵanyn – 22 zań jobasy ázirlengenin habarlady.
2021 jylǵa arnalǵan jospar 25 zań jobasyn ázirleýdi kózdeidi, onyń ishinde 6 zań jobasy Memleket basshysynyń 2020 jylǵy 1 qyrkúiektegi Joldaýynan týyndaidy. Bul sailaý, sybailas jemqorlyqqa qarsy is-qimyl jáne birjalyq saýdany damytý máseleleri jónindegi zań jobalary.
2021 jyldyń josparyna geodeziia, biologiialyq qaýipsizdik, áskeri politsiia jáne qoǵamdyq baqylaý máseleleri boiynsha 4 jańa zań jobasy engizildi. Premer-Ministrdiń tapsyrmasy boiynsha Úkimet reglamentine ázirleýshi organdardyń birinshi basshylarynyń zań jobalaryn ázirleý men usynýdyń sapasy, ýaqytynda berilýi úshin derbes jaýapkershiligi týraly tiisti túzetýler engizildi.
«Ministrler zań jobalarynyń sapaly daiyndalýyn jáne olardyń Úkimet pen Parlamentke ýaqytyly usynylýyn qatań baqylaýdy qamtamasyz etýi qajet», — dedi A. Mamin.
.jpeg)