2020 jyly elimizde bir jyl burynǵy kórsetkishpen salystyrǵanda 24 739 sábi artyq dúniege keldi. Bul týraly Ana ólimin azaitý boiynsha shuǵyl sharalar qabyldaý jónindegi respýblikalyq shtabtyń kóshpeli otyrysynda aityldy, dep habarlaidy Densaýlyq saqtaý ministrliginiń baspasóz qyzmeti.
Respýblikalyq shtabtyń kóshpeli otyrysyn Aqtóbe oblysyna saparmen barǵan Densaýlyq saqtaý vitse-ministri Ajar Ǵiniiat ótkizdi.
Keńeske 17 óńir ákiminiń orynbasary, densaýlyq saqtaý basqarmalarynyń basshylary jáne olardyń bosandyrý isi boiynsha orynbasarlary, AGPǴO jáne ABUO, meditsinalyq JOO kafedrasynyń meńgerýshileri, meditsinalyq uiymdardyń basshylary qatysty.
2020 jyly bosanǵandar sany ótken jyldyń sáikes kezeńimen salystyrǵanda 22 298-ge artyp, 24 739 bala týdy, júkti áielder sany ótken jyldyń sáikes kezeńimen salystyrǵanda 21 147-ge kóp.
A.Ǵiniiat atap ótkendei, Memleket basshysy el aldyna analarǵa sapaly meditsinalyq kómek kórsetý boiynsha jańa mindetter júktedi. Prezident perzenthanalarda jaǵdaiy aýyr naýqastardy emdeýge arnalǵan jabdyqtar men shyǵyn materialdary jetkiliksiz bolǵandyqtan, ana óliminiń deńgeii joǵary ekenin aitqan edi.
«Memleket basshysy Úkimetke óńir ákimderimen birlesip, barlyq densaýlyq saqtaý uiymdaryn qaita qaraýdy tapsyrdy. Sonymen qatar, bosandyrý jáne reanimatsiia qyzmetterine nazar aýdarý, olardy meditsinalyq jabdyqtarmen, dári-dármekpen jáne buiymdarmen jabdyqtaý boiynsha sharalar qabyldaýdy buiyrdy», - dedi vitse-ministr.
Qazaqstan Respýblikasynyń aldynda qyzmet kórsetý sapasyn jaqsartý jáne ana densaýlyǵyn qorǵaý salasynda úlken jáne kúrdeli mindetter tur. Álemniń barlyq elinde, sonyń ishinde Qazaqstanda, COVID-19 pandemiiasy saldarynan densaýlyq saqtaý júiesiniń jumysy aýyrlady, birinshi kezekte áielderge kórsetiletin meditsinalyq kómek zardap shekti, saldarynan elimizde analar arasyndaǵy aýrý men ólim-jitim ósti.
«Byltyr jazda ana ólimi kúrt ósti jáne bul COVID-19 koronavirýs infektsiiasy aýrýynyń asqynýymen bailanysty, osy kezeńde ana ólimi jalpy qaiǵyly jaǵdaidyń 66% qurady», - dedi A.Ǵiniiat.
Respýblikalyq shtab otyrysy barysynda ministrliktiń ana men bala densaýlyǵyn qorǵaý departamenti Analar densaýlyǵyn qorǵaý basqarmasynyń basshysy Sháhizat Halyqova, meditsina ǵylymdarynyń doktory, professor, «Áielder densaýlyǵy» departamentiniń direktory Gaýri Bapaeva jáne «Akýsheriia, ginekologiia jáne perinatologiia ǵylymi ortalyǵy» AQ Basqarma tóraiymy Dinara Myrzahmetova baiandama jasady.
Keńeste jaǵdaiy aýyr júkti áielderdiń problemasy jáne ólim-jitim, sheshý joldary qaraldy. Óńirlerge júkti, bosanatyn jáne bosanǵan áielderge meditsinalyq kómek kórsetý sapasyn jaqsartý boiynsha usynystar aityldy.
A.Ǵiniiat ákimderdiń orynbasarlaryna meditsinalyq uiymdardaǵy materialdyq-tehnikany jaqsartý, olardy zamanaýi meditsinalyq jabdyqtarmen, kadrmen qamtamasy etý, meditsinalyq kómek kórsetýdi uiymdastyrý deńgeiin arttyrýdy tapsyrdy.
Eske sala ketsek, Densaýlyq saqtaý vitse-ministri Ajar Ǵiniiat Aqtóbe oblysyndaǵy bosandyrý qyzmetin kórsetetin meditsinalyq uiymdardy tekserdi.
