Qazaqstan shahmat federatsiiasynyń kezekti jyldyq sezine elimizdiń 14 oblysy men qalasynan 33 delegat kelip, 2020 jyldyń qorytyndysy jasaldy, dep habarlaidy "Ult aqparat" federatsiianyń baspasóz qyzmetine silteme jasap.
Qazaqstan shahmat federatsiiasynyń prezidenti Beibit Atamqulov Federatsiianyń atqarýshy organdaryna jemisti eńbek etkeni úshin alǵys aitty.
Lokdaýnǵa qaramastan Qazaqstan shahmat federatsiiasy 2020 jyly 50 halyqaralyq jáne respýblikalyq is-shara ótkizip, oǵan 3,5 myńnan asa kásipqoi jáne áýesqoi shahmatshy qatysty.
Federatsiia qurama múshelerine, ardagerler men jastarǵa qarjylai qoldaý kórsetip, úzdik shahmatshylarǵa syiaqy taǵaiyndap otyrdy.
Bilim jáne ǵylym ministrligimen birlese otyryp Qazaqstan shahmat federatsiiasy shahmatty synyptan tys qosymsha retinde engizý jumysyn júrgizip jatyr.
Dástúrli dene shynyqtyrý sabaǵymen qatar, qazaqstandyq mektep oqýshylarynyń shahmatpen ainalysýǵa múmkindigi bolady.
Qazaqstan shahmat federatsiiasy halyqaralyq respýblikalyq Almaty Online Chess Festival 2020 shahmat marafonyn ótkizdi. Bul búkil shahmat álemi úshin aitýly oqiǵa boldy.
Jeltoqsanda Federatsiia joǵary uiymdasqan-sporttyq dárejede erler men áielder arasyndaǵy chempionatty ótkizdi.
Sezd kezinde ótken jyldyń úzdik shahmatshylarynyń aty ataldy. Áielder arasynda 2020 jyldyń úzdik sportshysy - kadetter arasyndaǵy álem chempionatynda kúmis medal jeńip alǵan 10 jasar Elnaz Qaliahmet.
Erler arasyndaǵy úzdik shahmatshy 65 jasqa deiingi ardagerler arasyndaǵy Aziia chempionatynda jeńiske jetken Marat Pirimbetov boldy.
Qazaqstannyń erler quramasy Aziia ulttary kýbogynda 3-oryndy jeńip alyp, 2020 jyldyń úzdik komandasy atandy.
Federatsiianyń úzdik seriktesteri - Pavlodar jáne Aqtóbe oblystarynyń shahmat federatsiialary jáne Air Astana kompaniiasy tanyldy.
Qazaqstan shahmatshylary 2020 jyly Álem, Eýropa jáne Aziia chempionattarynda 4 altyn, 3 kúmis jáne 6 qola medalge qol jetkizdi.
Qazaqstandyq jastar 12 halyqaralyq matchtyń 11-inde jeńis tuǵyrynan kórinip, Aziia elderi komandalary arasynda eki halyqaralyq týrnirde jeńimpaz atandy.
