2016 jyly Indýstriialandyrý kartasy aiasynda 10 myńnan astam turaqty jumys oryndary ashyldy. Bul týraly QR Premer-Ministri Baqytjan Saǵyntaevtyń tóraǵalyǵymen ótken Úkimettiń kezekti otyrysynda investitsiialar jáne damý ministri Jeńis Qasymbek aitty.
Baǵdarlama sharalaryn júzege asyrýǵa memlekettik biýdjetten jáne Ulttyq qordan 2016 jyly 183,2 mlrd teńge bólingen. 2016 jyl qorytyndysy boiynsha Ulttyq qor qarajatynyń - 100%, memlekettik biýdjettiń 99,5% igerilgen, dedi J. Qasymbek.
IDM basshysynyń aitýynsha, 2016 jyly Indýstriialandyrý kartasy aiasynda 878 mlrd teńge somasyna 130 joba engizilgen, 10 myńnan astam turaqty jumys orny ashylǵan.
Kartanyń engizilgen jobalarymen 2016 jyly 2,2 trln-nan astam teńge somasyna ónim shyǵaryldy. Kartanyń engizilgen jobalary esebinen 2016 jyly óńdeý ónerkásibiniń jalpy kóleminen shamamen 18,5% óndirildi.
2016 jyldyń qorytyndysy boiynsha óńdeýshi sektor taý-ken óndirý salalaryndaǵy quldyraý jaǵdaiynda (2015 jylǵa -2,7%) turaqty naqty ósimdi kórsetti (2015 jylǵa +0,7% ). Óńdeýshi ónerkásiptegi ósim, birinshi kezekte, basymdyqty sektorlardaǵy óndiris kóleminiń ulǵaiýyna bailanysty: tústi (8,5%-ǵa) jáne qara (3,3%-ǵa) metallýrgiia, aýyl sharýashylyǵy tehnikasy (5,6%-ǵa), azyq-túlik ónimderi (3,9%-ǵa), agrohimiia (3,1%-ǵa), munai óńdeý (0,4%-ǵa).
«Nátijesinde óńdeýshi ónerkásiptiń el ekonomikasyna tigizer úlesi artty. 2016 jyly ótken jylmen salystyrǵanda JIÓ-degi óńdeýshi sektor úlesi 10,7%-ǵa deiin, ónerkásipte 41,5%-ǵa deiin ósti», - dep sózin túiindedi J. Qasymbek.
.jpeg)