Elimizde 200-den astam nemis kompaniiasy jumys isteidi, dep habarlaidy QazAqparat.
Búgin GFR-diń Shyǵys Eýropa, Kavkaz jáne Ortalyq Aziia elderimen yntymaqtastyq máseleleri jónindegi ýákili Mattias Liýtenberg bastaǵan delegatsiia elordaǵa keldi.
«Biz ekonomika salasynda tyǵyz bailanystamyz. Germaniianyń Ortalyq Aziia elderimen saýda ainalymynyń seksen paiyzdan astamy Qazaqstannyń úlesine tiesili. Qazaqstanda barlyǵy 200-den astam nemis kompaniiasy jumys isteidi. Eýropalyq Odaq - Qazaqstannyń eń mańyzdy saýda seriktesi. Bizdiń mádeni bailanysymyz da ornyqty damý ústinde. Gete institýtynyń Qazaqstandaǵy ókildigi elderimizdiń arasyndaǵy mádeni yntymaqtastyqqa yqpal etip, 15 nemis áriptes mektepterinen basqa, nemis tilin úirenýdiń basqa da múmkindikterin usynady. Joǵary oqý oryndary boiynsha birlesken jobanyń biri - qazaq-nemis ýniversitetin aitýǵa bolady», - dedi Mattias Liýtenberg BAQ-tyń qatysýymen ótken baspasóz máslihatynda.
Resmi ýákildiń málimdeýinshe, Qazaqstanda turatyn etnikalyq nemister jáne Qazaqstannan shyqqan jáne qazir Germaniiada turatyn nemister ekijaqty qatynasta mańyzdy ról atqarady.
«Germaniia men Eýropalyq Odaq aldaǵy onjyldyqta da Qazaqstan úshin senimdi seriktes retinde qoldaý kórsetip, áreket etedi. Diplomatiialyq qatynastardyń qazirgi mereitoiy osy qol jetkizgen jetistikterimizben toqtap qalady degendi bildirmeidi. Aldymyzda bolashaqta birge sheshýdi talap etetin kóptegen mindet tur. Osyǵan bailanysty men ekonomikalyq yntymaqtastyqty keńeitýdi, jańartylatyn energiia, sýtegi nemese sirek kezdesetin paidaly qazbalar salasyndaǵy yntymaqtastyqty nyǵaitýdy qajet dep túsinemin», - deidi ol.
Sondai-aq, sheteldik meiman qazaq-nemis bilim berý júiesin odan ári jetildire túsý ideiasyn usyndy.
