2020 jylǵy 1 qańtardaǵy jaǵdai boiynsha jergilikti atqarýshy organdardyń ruqsaty boiynsha Qazaqstan aýmaǵynda 19 145 sheteldik azamat jumys isteidi, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Olardyń ishinde birinshi sanatta (menedjerler men olardyń orynbasarlary) 770 adam (4%), ekinshi (bólim meńgerýshileri) – 445 (23%), úshinshi (mamandar) – 9 632 (50%) jáne tórtinshi (bilikti) jumysshylar) – 1818 (9%), maýsymdyq jumystarǵa 767 (4%), korporativti aýystyrýǵa 1 744 adam (9%) tartyldy.
Sheteldik jumys kúshin tartqan jumys berýshiler sany 2040 adamdy quraidy, olarda 508 755 qazaqstandyq azamat jumys isteidi, bul jalpy jumysshylar sanynyń 96,3%-yn quraidy.
Sheteldikterdiń basym bóligi qurylys salasynda jumys isteidi – 8623 adam (45%). Taý-ken ónerkásibinde 2 213 (12%), aýyl, orman jáne balyq sharýashylyǵy salasynda – 55 (0,3%), kásiptik, ǵylymi jáne tehnikalyq qyzmette 1 557 (8%), óńdeý ónerkásibinde – 1 397 (7%) sheteldik jumys isteidi.
Eńbekshi migranttarynyń negizgi shyǵý elderi: Qytai – 4 524 adam (24%), Ózbekstan – 781 (4%), Túrkiia – 1 964 (10%), Úndistan – 1 893 (10%), Ulybritaniia – 1 368 (7%) bolyp tabylady.
Esterińizge sala keteiik, ishki eńbek naryǵyn qorǵaý maqsatynda QR Úkimeti jyl saiyn respýblikaǵa sheteldik mamandardy tartýǵa kvota belgileidi. 2019 jylǵa arnalǵan kvota jumys kúshiniń sanyna qatysty 0,54% nemese 48,7 myń birlik mólsherinde bekitildi. 2020 jylǵa – 29,3 myń birlik nemese 0,32%.
