Qazaqstanda 11 mamyrda 1811 adamnyń analizinen koronavirýs anyqtaldy. Densaýlyq saqtaý ministrligi koronavirýs pnevmoniiasy men adam ólimi boiynsha eki kún burynǵy málimetti jariialap keledi. 10 mamyrda 13 adamǵa koronavirýs pnevmoniiasy juqqany anyqtalǵan. 21 adam ólimi tirkelgen: 16 adam – koronavirýstan, 5 adam koronavirýs pnevmoniiasynan qaitys boldy dep aitylady.
Ótken táýlikte Almatyda – 391, Qaraǵandy oblysynda – 200, Nur-Sultanda – 310, Almaty oblysynda – 162, Pavlodar oblysynda – 111, Aqmola oblysynda 92, Batys Qazaqstan oblysynda 94 adamnan koronavirýs anyqtaldy. Shymkentte – 69, Aqtóbe oblysynda – 50, Atyraý oblysynda – 70, Shyǵys Qazaqstan oblysynda – 91, Jambyl oblysynda – 36, Qostanai oblysynda – 25, Qyzylorda oblysynda – 28, Mańǵystaý oblysynda – 41, Soltústik Qazaqstan oblysynda – 15, Túrkistan oblysynda 26 naýqas tirkelgen.
Elde koronavirýs alǵash anyqtalǵaly beri (2020 jyldyń 13 naýryzy) 348 308 adamnyń Covid testi oń shyqqan. 3964-i qaitys bolǵan. Úkimet qurǵan arnaiy komissiia aǵzasynan virýs tabylsa da "koronavirýstan emes, basqa aýrýdan qaitys boldy" degen 1,5 myńnan astam adam ólimi resmi statistikaǵa engizilmegen.
Qazaqstan biligi pnevmoniianyń koronavirýsqa uqsas túri – koronavirýs pnevmoniiasyna shaldyqqandardy da Covid statistikasyna engizbegen. Biraq ótken jyldyń 1 tamyzynan beri esepke ala bastady. Sodan beri 53 584 adamǵa koronavirýs pnevmoniiasy diagnozy qoiylǵan. 842-i qaitys bolǵan.
12 mamyr kúngi málimet boiynsha, Qazaqstanda 1,7 mln adamǵa koronavirýsqa qarsy vaktsinanyń keminde alǵashqy dozasy salynǵan. 670 myńnan astam adam vaktsinanyń eki dozasyn alǵan.
Amerikalyq Djons Hopkins ýniversitetiniń málimeti boiynsha, álemde koronavirýs juqtyrǵandar 159,3 mln adamǵa jetken. 3 mln 312 myń adam virýstan qaitys bolǵan. 95,3 mln adam jazylǵan.
