قازاقستاندا 11 مامىردا 1811 ادامنىڭ اناليزٸنەن كوروناۆيرۋس انىقتالدى. دەنساۋلىق ساقتاۋ مينيسترلٸگٸ كوروناۆيرۋس پنەۆمونيياسى مەن ادام ٶلٸمٸ بويىنشا ەكٸ كٷن بۇرىنعى مەلٸمەتتٸ جارييالاپ كەلەدٸ. 10 مامىردا 13 ادامعا كوروناۆيرۋس پنەۆمونيياسى جۇققانى انىقتالعان. 21 ادام ٶلٸمٸ تٸركەلگەن: 16 ادام – كوروناۆيرۋستان, 5 ادام كوروناۆيرۋس پنەۆمونيياسىنان قايتىس بولدى دەپ ايتىلادى.
ٶتكەن تەۋلٸكتە الماتىدا – 391, قاراعاندى وبلىسىندا – 200, نۇر-سۇلتاندا – 310, الماتى وبلىسىندا – 162, پاۆلودار وبلىسىندا – 111, اقمولا وبلىسىندا 92, باتىس قازاقستان وبلىسىندا 94 ادامنان كوروناۆيرۋس انىقتالدى. شىمكەنتتە – 69, اقتٶبە وبلىسىندا – 50, اتىراۋ وبلىسىندا – 70, شىعىس قازاقستان وبلىسىندا – 91, جامبىل وبلىسىندا – 36, قوستاناي وبلىسىندا – 25, قىزىلوردا وبلىسىندا – 28, ماڭعىستاۋ وبلىسىندا – 41, سولتٷستٸك قازاقستان وبلىسىندا – 15, تٷركٸستان وبلىسىندا 26 ناۋقاس تٸركەلگەن.
ەلدە كوروناۆيرۋس العاش انىقتالعالى بەرٸ (2020 جىلدىڭ 13 ناۋرىزى) 348 308 ادامنىڭ Covid تەستٸ وڭ شىققان. 3964-ٸ قايتىس بولعان. ٷكٸمەت قۇرعان ارنايى كوميسسييا اعزاسىنان ۆيرۋس تابىلسا دا "كوروناۆيرۋستان ەمەس, باسقا اۋرۋدان قايتىس بولدى" دەگەن 1,5 مىڭنان استام ادام ٶلٸمٸ رەسمي ستاتيستيكاعا ەنگٸزٸلمەگەن.
قازاقستان بيلٸگٸ پنەۆمونييانىڭ كوروناۆيرۋسقا ۇقساس تٷرٸ – كوروناۆيرۋس پنەۆمونيياسىنا شالدىققانداردى دا Covid ستاتيستيكاسىنا ەنگٸزبەگەن. بٸراق ٶتكەن جىلدىڭ 1 تامىزىنان بەرٸ ەسەپكە الا باستادى. سودان بەرٸ 53 584 ادامعا كوروناۆيرۋس پنەۆمونيياسى دياگنوزى قويىلعان. 842-ٸ قايتىس بولعان.
12 مامىر كٷنگٸ مەلٸمەت بويىنشا, قازاقستاندا 1,7 ملن ادامعا كوروناۆيرۋسقا قارسى ۆاكتسينانىڭ كەمٸندە العاشقى دوزاسى سالىنعان. 670 مىڭنان استام ادام ۆاكتسينانىڭ ەكٸ دوزاسىن العان.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, ەلەمدە كوروناۆيرۋس جۇقتىرعاندار 159,3 ملن ادامعا جەتكەن. 3 ملن 312 مىڭ ادام ۆيرۋستان قايتىس بولعان. 95,3 ملن ادام جازىلعان.
