2020 jylǵy 1 qarashadaǵy jaǵdai boiynsha jergilikti atqarýshy organdardyń ruqsatymen Qazaqstan aýmaǵynda 15 832 sheteldik jumys istep júr, dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
«Sheteldik jumys kúshin tartýǵa berilgen ruqsattyń ishinde mynadai sanattar bar: birinshi sanat – 658 (basshylar jáne olardyń orynbasarlary), ekinshi sanat – 3 430 (qurylymdyq bólimshelerdiń basshysy). Olardyń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tiisinshe 7 302 adam jáne 1 058 adam. Sondai-aq maýsymdyq jumysqa – 1 728 adam, al korporativtik aýystyrý sheńberinde – 1 656 adam tartyldy», delingen habarlamada.
Ministrliktiń málimetinshe, qazirgi ýaqytta Qazaqstanda sheteldik jumys kúshin paidalanatyn 1 770 jumys berýshi bar. Olarda 455 myńǵa jýyq Qazaqstan azamaty jumys isteidi, bul jalpy jumysshy sanynyń 96 paiyzy.
«Eńbekshi migranttar keletin negizgi elder kelesi: Qytai – 3 459 adam, Ózbekstan – 1 693 adam, Túrkiia – 1 621 adam, Úndistan – 1 145 adam, Ulybritaniia – 1 038 adam», delingen habarlamada.
Esterińizge sala keteiik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý ministrligi jyl saiyn elimizge sheteldik mamandardy tartýǵa kvota belgileidi. 2020 jyly kvota mólsheri jumys kúshine shaqqanda 0,32% nemese 29,3 myń birlik.
