2020 جىلعى 1 قاراشاداعى جاعداي بويىنشا جەرگٸلٸكتٸ اتقارۋشى ورگانداردىڭ رۇقساتىمەن قازاقستان اۋماعىندا 15 832 شەتەلدٸك جۇمىس ٸستەپ جٷر, دەپ حابارلايدى "ۇلت اقپارات" ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
«شەتەلدٸك جۇمىس كٷشٸن تارتۋعا بەرٸلگەن رۇقساتتىڭ ٸشٸندە مىناداي ساناتتار بار: بٸرٸنشٸ سانات – 658 (باسشىلار جەنە ولاردىڭ ورىنباسارلارى), ەكٸنشٸ سانات – 3 430 (قۇرىلىمدىق بٶلٸمشەلەردٸڭ باسشىسى). ولاردىڭ نەگٸزگٸ بٶلٸگٸ ٷشٸنشٸ (ماماندار) جەنە تٶرتٸنشٸ (بٸلٸكتٸ جۇمىسشىلار) ساناتتارعا جاتادى – تيٸسٸنشە 7 302 ادام جەنە 1 058 ادام. سونداي-اق ماۋسىمدىق جۇمىسقا – 1 728 ادام, ال كورپوراتيۆتٸك اۋىستىرۋ شەڭبەرٸندە – 1 656 ادام تارتىلدى», دەلٸنگەن حابارلامادا.
مينيسترلٸكتٸڭ مەلٸمەتٸنشە, قازٸرگٸ ۋاقىتتا قازاقستاندا شەتەلدٸك جۇمىس كٷشٸن پايدالاناتىن 1 770 جۇمىس بەرۋشٸ بار. ولاردا 455 مىڭعا جۋىق قازاقستان ازاماتى جۇمىس ٸستەيدٸ, بۇل جالپى جۇمىسشى سانىنىڭ 96 پايىزى.
«ەڭبەكشٸ ميگرانتتار كەلەتٸن نەگٸزگٸ ەلدەر كەلەسٸ: قىتاي – 3 459 ادام, ٶزبەكستان – 1 693 ادام, تٷركييا – 1 621 ادام, ٷندٸستان – 1 145 ادام, ۇلىبريتانييا – 1 038 ادام», دەلٸنگەن حابارلامادا.
ەستەرٸڭٸزگە سالا كەتەيٸك, ٸشكٸ ەڭبەك نارىعىن قورعاۋ ماقساتىندا قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ جىل سايىن ەلٸمٸزگە شەتەلدٸك مامانداردى تارتۋعا كۆوتا بەلگٸلەيدٸ. 2020 جىلى كۆوتا مٶلشەرٸ جۇمىس كٷشٸنە شاققاندا 0,32% نەمەسە 29,3 مىڭ بٸرلٸك.
