"Otbasy bank" basqarma tóraiymy Lázzat Ibragimova Qazaqstandaǵy baspana ieleriniń statistikasyn jariialady, - dep habarlaidy Tengrinews.kz agenttigi.
"Azamattarǵa arnalǵan úkimet" kommertsiialyq emes aktsionerlik qoǵamynyń málimetinshe, 2021 jyldyń aiaǵynda 6,3 million adamnyń menshiginde úi bar. 19 million halyq bar desek, sonyń ishinde 6,3 million degen jaman statistika emes. Eger bizde 10 millionǵa jýyq ekonomikalyq belsendi halyq bar desek, 60 paiyzynyń menshiginde úi bar bolyp shyǵady. Bul táýelsizdiktiń 30 jyldyǵyndaǵy jaqsy kórsetkish. Eger qurylymyna zer salsaq, 5,6 million adamnyń basynda bir baspanadan bar", - dedi "Otbasy bank" basshysy.
Onyń aitýynsha, Qazaqstanda 717 myń turǵynda eki baspanadan bar. Onyń ishinde 607 myń adamnyń basynda eki páter, 84 394 adamnyń atynda 3 jyljymaityn múlik tirkelgen. 16 509 adamnyń atynda 4 jyljymaityn múlik nysany tirkelgen. Bir basynda 5 nysany barlardyń sany áldeqaida az - 4 823. 1 935 adamda 6 páterden bar.
"Shamamen 147 adamnyń 20 jáne odan da kóp baspanasy bar. Bul 6,3 million páterge shamamen 4,3 million otbasy ielik etedi", - dep túiindedi Ibragimova.
