Qazaqstanda 2025 jylǵa deiin 11 myń shaqyrym tasjol aqyly bolady. Bul týraly indýstriia jáne infraqurylymdyq damý ministri Qaiyrbek Óskenbaev málimdedi, - dep habarlaidy Tengrinews.kz agenttigi.
"Qazirgi ýaqytta aqyly ýchaskelerdiń uzyndyǵy - 2 161 shaqyrym. Biyl jalpy tólemder tórt milliard teńge boldy. Jalpy, 2025 jylǵa deiin jol ýchaskelerin qaita jańartý jumystary aiaqtalǵanda, 11 myń shaqyrymǵa kezeń-kezeńimen aqy tóleýdi engizý qarastyrylady", - dedi Óskenbaev Májiliste ótken Úkimet saǵatynda.
Vedomstvonyń baspasóz qyzmeti 11 ýchaskede tólem engizilgenin túsindirdi: "Astana-Shýchinsk", "Astana-Temirtaý", "Almaty-Qapshaǵai", "Almaty-Qorǵas", "Qapshaǵai-Taldyqorǵan", "Taraz-Qainar", "Shymkent-Taraz", "Shymkent-Tashkent", "Shymkent-Qyzylorda", "Shýchinsk-Kókshetaý", "Astana-Pavlodar".
Jeńil kólikter úshin tarif 1 shaqyrymǵa - 1 teńge, júk kólikteri úshin 1 shaqyrymǵa - 25 teńge.
