2020 jylǵy 10 aida baǵa azyq-túlik taýarlaryna – 8,3, azyq-túlik emes taýarlaryna – 4,5, aqyly qyzmetterge 3 paiyzǵa joǵarylady. Bul týraly QR UEM Statistika komitetinen málim etti, dep habarlaidy "Ult aqparat".
Vedomstvo málimetinshe, qazanda (2020 jylǵy qyrkúiekke) baǵanyń ósýi jumyrtqaǵa – 10,3, qumshekerge – 7,3, kúnbaǵys maiyna – 6,3, jańa jinalǵan kókónisterge – 2,8, kartopqa – 2,1, sútke – 1,4, shaiǵa – 1, qoi etine – 0,9, unǵa, sary maiǵa – 0,8, makaron ónimderine, jylqy etine – 0,7, nanǵa – 0,6 paiyz belgilendi. Temeki ónimderi – 1,8, salqyndatylǵan sýsyndar 0,6 paiyz qymbattady. Baǵanyń tómendeýi jańa jinalǵan jemisterge – 3,9, taýyqtyń siraǵyna 1,1 paiyzǵa tirkeldi.
Baǵa ósimi keńse taýarlarǵa, dári-dármekke – 0,8, jýǵysh jáne tazalaǵysh quraldarǵa, avtomobilderge – 0,7, toqyma buiymdaryna, kiim jáne aiaq kiimge, jihaz jáne úige qajetti zattarǵa 0,6 paiyzdy qurady.Tas kómir 1,4 paiyz qymbattady.
Baǵa deńgeii monshaǵa barý – 0,8, sporttyq keshender qyzmetterine – 0,7, stomatologiialyq qyzmetterine – 0,6, qoǵamdyq tamaqtandyrý qyzmetterine 0,5 paiyz ósti. Áýe kóligimen jol júrý aqysy 2,4 paiyz arzandady.
Turǵyn úi-kommýnaldyq qyzmetter salasynda tarifter qoqys shyǵarý – 6,7, sýyq sýǵa – 2,5, kárizge – 2, elektr energiiasyna – 0,7, ystyq sýǵa 0,3 paiyz ósti.
