2020 جىلعى 10 ايدا باعا ازىق-تٷلٸك تاۋارلارىنا – 8,3, ازىق-تٷلٸك ەمەس تاۋارلارىنا – 4,5, اقىلى قىزمەتتەرگە 3 پايىزعا جوعارىلادى. بۇل تۋرالى قر ۇەم ستاتيستيكا كوميتەتٸنەن مەلٸم ەتتٸ, دەپ حابارلايدى "ۇلت اقپارات".
ۆەدومستۆو مەلٸمەتٸنشە, قازاندا (2020 جىلعى قىركٷيەككە) باعانىڭ ٶسۋٸ جۇمىرتقاعا – 10,3, قۇمشەكەرگە – 7,3, كٷنباعىس مايىنا – 6,3, جاڭا جينالعان كٶكٶنٸستەرگە – 2,8, كارتوپقا – 2,1, سٷتكە – 1,4, شايعا – 1, قوي ەتٸنە – 0,9, ۇنعا, سارى مايعا – 0,8, ماكارون ٶنٸمدەرٸنە, جىلقى ەتٸنە – 0,7, نانعا – 0,6 پايىز بەلگٸلەندٸ. تەمەكٸ ٶنٸمدەرٸ – 1,8, سالقىنداتىلعان سۋسىندار 0,6 پايىز قىمباتتادى. باعانىڭ تٶمەندەۋٸ جاڭا جينالعان جەمٸستەرگە – 3,9, تاۋىقتىڭ سيراعىنا 1,1 پايىزعا تٸركەلدٸ.
باعا ٶسٸمٸ كەڭسە تاۋارلارعا, دەرٸ-دەرمەككە – 0,8, جۋعىش جەنە تازالاعىش قۇرالدارعا, اۆتوموبيلدەرگە – 0,7, توقىما بۇيىمدارىنا, كيٸم جەنە اياق كيٸمگە, جيھاز جەنە ٷيگە قاجەتتٸ زاتتارعا 0,6 پايىزدى قۇرادى.تاس كٶمٸر 1,4 پايىز قىمباتتادى.
باعا دەڭگەيٸ مونشاعا بارۋ – 0,8, سپورتتىق كەشەندەر قىزمەتتەرٸنە – 0,7, ستوماتولوگييالىق قىزمەتتەرٸنە – 0,6, قوعامدىق تاماقتاندىرۋ قىزمەتتەرٸنە 0,5 پايىز ٶستٸ. ەۋە كٶلٸگٸمەن جول جٷرۋ اقىسى 2,4 پايىز ارزاندادى.
تۇرعىن ٷي-كوممۋنالدىق قىزمەتتەر سالاسىندا تاريفتەر قوقىس شىعارۋ – 6,7, سۋىق سۋعا – 2,5, كەرٸزگە – 2, ەلەكتر ەنەرگيياسىنا – 0,7, ىستىق سۋعا 0,3 پايىز ٶستٸ.
