2021 jyldyń 1 naýryzynan bastap oblysaralyq jáne qala mańyna qatynaityn barlyq áleýmettik mańyzy bar baǵyttarǵa temirjol biletiniń quny 7% qymbattaidy, dep habarlaidy "Ult aqparat".
«Jolaýshylar tasymaly» AQ málimetine sensek, kompaniia jolaýshy tasymaldaý sapasyn jaqsartýǵa, onyń ishinde jyljymaly quram parkin jańartýǵa jáne qyzmet kórsetýdiń jańa standarttaryn engizýge baǵyttalǵan sharalardy júrgizip otyr.
«Jolaýshylar tasymaly» AQ 2018 jyldan 2020 jylǵa deiin 159 vagon satyp alǵan. Atalmysh vagondar myna baǵyttarǵa qatynaityn jolaýshy poiyzdarynyń quramynda bar: Almaty-Mańǵystaý, Nur-Sultan-Saryaǵash, Atyraý-Nur-Sultan, Atyraý-Almaty, Nur-Sultan-Arqalyq, Atyraý-Mańǵystaý, Almaty-Jezqazǵan jáne Nur-Sultan-Semei.
Sonymen qatar, 1 toqsanda 50 jańa vagon jetkiziledi dep kútilýde.
Bul vagondar myna baǵyttar boiynsha qatynaidy: Almaty-Mańǵystaý, Qyzylorda–Semei, Almaty-Óskemen jáne Nur-Sultan-Semei.
