Qazaqstanda 1 naýryzdan bastap karantin jeńildetiledi. Bul týraly QR Premer-Ministriniń orynbasary Eraly Toǵjanovtyń tóraǵalyǵymen QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) otyrysynda belgili boldy, dep habarlaidy "Ult aqparat" Úkimettiń resmi saityna silteme jasap.
VAK otyrysynyń qorytyndysy boiynsha mynadai sheshimder qabyldandy:
1. 7 kún boiy «jasyl aimaqta» turǵan óńirlerde ústimizdegi jyldyń 1 naýryzynan bastap ruqsat etiledi:
tsirkterdiń, biliard klýbtarynyń, balalar oiyn-saýyq ortalyqtarynyń jumys isteýine – tolymdylyǵy 30%-ǵa deiin;
sporttyq is-sharalardy ótkizýge (30%-ǵa deiin), juma namazyn oqýǵa (30%-ǵa deiin) jáne as berý rásimin ótkizýge (30%-ǵa deiin, 50 adamnan artyq emes).
2. 7 kún boiy «sary aimaqta» bolǵan óńirlerde ústimizdegi jyldyń 1 naýryzynan bastap jabyq bazarlardyń (azyq-túlik, azyq-túlik emes), saýda jáne oiyn-saýyq ortalyqtarynyń, saýda úileriniń, saýda jelileriniń jeksenbi kúnderi jumys isteýine ruqsat etiledi.
3. Monitoringtik tekserý qorytyndysy boiynsha bilim berý uiymdarynda sanitarlyq-epidemiologiialyq talaptardyń buzylý faktileriniń kóp mólsheri tirkelgen Mańǵystaý, Qostanai jáne Jambyl oblystaryn qospaǵanda, barlyq oblystarda ústimizdegi jyldyń 1 naýryzynan bastap 1-5 synyptardyń, halyqaralyq mektepterde 1-7 synyptardyń oqýshylaryn aralas oqytýǵa ruqsat etiledi.
Sondai-aq, Indýstriia jáne infraqurylymdyq damý ministrliginiń Túrkiiamen (qosymsha 4 reis), Ózbekstanmen (+4 reis), Qyrǵyzstanmen (+2 reis) jáne Ýkrainamen (+1 reis) halyqaralyq áýe reisteriniń sanyn arttyrý týraly usynysy komissiianyń qoldaýyna ie boldy.
Sonymen qatar, densaýlyq saqtaý ministri Aleksei Tsoi biologiialyq qaýipsizdik týraly zań jobasyn ázirleý barysyn baiandady.
Óz kezeginde vitse-premer Toǵjanov atalǵan zań jobasy boiynsha barlyq jumyldyrylǵan memlekettik organdarmen kelisý jumystaryn jáne biýdjettik esepterdi engizýde buǵan deiin bekitilgen merzimderdi ustaný qajettigin atap ótti.
