قازاقستاندا 1 ناۋرىزدان باستاپ كارانتين جەڭٸلدەتٸلەدٸ. بۇل تۋرالى قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن قر اۋماعىندا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ (ۆاك) وتىرىسىندا بەلگٸلٸ بولدى, دەپ حابارلايدى "ۇلت اقپارات" ٷكٸمەتتٸڭ رەسمي سايتىنا سٸلتەمە جاساپ.
ۆاك وتىرىسىنىڭ قورىتىندىسى بويىنشا مىناداي شەشٸمدەر قابىلداندى:
1. 7 كٷن بويى «جاسىل ايماقتا» تۇرعان ٶڭٸرلەردە ٷستٸمٸزدەگٸ جىلدىڭ 1 ناۋرىزىنان باستاپ رۇقسات ەتٸلەدٸ:
تسيركتەردٸڭ, بيليارد كلۋبتارىنىڭ, بالالار ويىن-ساۋىق ورتالىقتارىنىڭ جۇمىس ٸستەۋٸنە – تولىمدىلىعى 30%-عا دەيٸن;
سپورتتىق ٸس-شارالاردى ٶتكٸزۋگە (30%-عا دەيٸن), جۇما نامازىن وقۋعا (30%-عا دەيٸن) جەنە اس بەرۋ رەسٸمٸن ٶتكٸزۋگە (30%-عا دەيٸن, 50 ادامنان ارتىق ەمەس).
2. 7 كٷن بويى «سارى ايماقتا» بولعان ٶڭٸرلەردە ٷستٸمٸزدەگٸ جىلدىڭ 1 ناۋرىزىنان باستاپ جابىق بازارلاردىڭ (ازىق-تٷلٸك, ازىق-تٷلٸك ەمەس), ساۋدا جەنە ويىن-ساۋىق ورتالىقتارىنىڭ, ساۋدا ٷيلەرٸنٸڭ, ساۋدا جەلٸلەرٸنٸڭ جەكسەنبٸ كٷندەرٸ جۇمىس ٸستەۋٸنە رۇقسات ەتٸلەدٸ.
3. مونيتورينگتٸك تەكسەرۋ قورىتىندىسى بويىنشا بٸلٸم بەرۋ ۇيىمدارىندا سانيتارلىق-ەپيدەميولوگييالىق تالاپتاردىڭ بۇزىلۋ فاكتٸلەرٸنٸڭ كٶپ مٶلشەرٸ تٸركەلگەن ماڭعىستاۋ, قوستاناي جەنە جامبىل وبلىستارىن قوسپاعاندا, بارلىق وبلىستاردا ٷستٸمٸزدەگٸ جىلدىڭ 1 ناۋرىزىنان باستاپ 1-5 سىنىپتاردىڭ, حالىقارالىق مەكتەپتەردە 1-7 سىنىپتاردىڭ وقۋشىلارىن ارالاس وقىتۋعا رۇقسات ەتٸلەدٸ.
سونداي-اق, يندۋسترييا جەنە ينفراقۇرىلىمدىق دامۋ مينيسترلٸگٸنٸڭ تٷركييامەن (قوسىمشا 4 رەيس), ٶزبەكستانمەن (+4 رەيس), قىرعىزستانمەن (+2 رەيس) جەنە ۋكراينامەن (+1 رەيس) حالىقارالىق ەۋە رەيستەرٸنٸڭ سانىن ارتتىرۋ تۋرالى ۇسىنىسى كوميسسييانىڭ قولداۋىنا يە بولدى.
سونىمەن قاتار, دەنساۋلىق ساقتاۋ مينيسترٸ الەكسەي تسوي بيولوگييالىق قاۋٸپسٸزدٸك تۋرالى زاڭ جوباسىن ەزٸرلەۋ بارىسىن باياندادى.
ٶز كەزەگٸندە ۆيتسە-پرەمەر توعجانوۆ اتالعان زاڭ جوباسى بويىنشا بارلىق جۇمىلدىرىلعان مەملەكەتتٸك ورگاندارمەن كەلٸسۋ جۇمىستارىن جەنە بيۋدجەتتٸك ەسەپتەردٸ ەنگٸزۋدە بۇعان دەيٸن بەكٸتٸلگەن مەرزٸمدەردٸ ۇستانۋ قاجەتتٸگٸن اتاپ ٶتتٸ.
