Búgin Májilistiń jalpy otyrysynda Aýyl sharýashylyǵy ministri Saparhan Omarov moratorii engizilgenge deiin jekemenshikke berilgen jerlerdiń kóbisi ońtústik óńirlerde qamtylǵanyn aitty, dep habarlaidy "Ult aqparat".
«Qazirgi ýaqytta resmi derekterge súienetin bolsaq, 1 mln 472 myń gektar jer (aýyl sharýashylyǵy maqsatyndaǵy) jekemenshikte. Sondyqtan osy baǵytta qansha sýbekti bar», - dep surady depýtat Gennadii Shipovskih
Óz kezeginde Aýyl sharýashylyǵy ministri Saparhan Omarov bul jerler moratorii engizilgenge deiin berilgenin eske saldy.
«Ózińiz aityp óttińiz, 1,5 mln-ǵa jýyq jer jekemenshikte, olardyń barlyǵy moratorii engizilgenge deiin alynǵan. Sanyna toqtalsaq, búginde olar - 128, iaǵni zańdy ári jeke tulǵalar bar. Olardyń basym bóligi ońtústik oblystarda alynǵan. Ol jerde jaiylym jerler de, egistik te bar. Negizi, olar azyq-túlikpen qamtamasyz etý úshin shikizat óndirý baǵytynda jumys istep jatqandar. Qazirgi kezde olardyń barlyǵyn ákimdikter, ǵaryshtyq monitoring arqyly baqylaýda ustap otyrmyz», - dedi ministr.
Budan buryn habarlanǵandai, búgin Parlament májilisiniń jalpy otyrysynda «Qazaqstan Respýblikasynyń keibir zańnamalyq aktilerine jer qatynastary máseleleri boiynsha ózgerister men tolyqtyrý engizý týraly» zań jobasy birinshi oqylymda maquldandy.
Zań jobasymen aýyl sharýashylyǵy jerlerin sheteldikterge jáne sheteldik kompaniialarǵa, sheteldik úlesi bar qazaqstandyq kompaniialarǵa, azamattyǵy joq adamdarǵa, halyqaralyq qatysýy bar ǵylymi ortalyqtarǵa, sondai-aq qandastarǵa berýge tolyq tyiym salý kózdelgen.
S. Omarovtyń aitýynsha, qandastar boiynsha olar jeke qosalqy sharýshylyǵy, baý-baqsha jáne saiajai qurylysy úshin jer ýchaskesin ala alady, aýyl sharýashylyǵy jerlerin Qazaqstan azamattyǵyn alǵannan keiin ǵana jalǵa alýǵa múmkindigi bar.
