Avtomobildiń salmaq, gabarittik parametrlerin ólsheýdiń avtomattandyrylǵan stantsiialary 2025 jylǵa deiin respýblikalyq mańyzy bar barlyq avtojoldarda paida bolady, dep habarlaidy "Ult aqparat".
«Alǵashqy «tarazy-avtomat» qanatqaqty rejimde kelesi jyldyń maýsym aiyna deiin «Ekaterinbýrg-Almaty» avtojolynda, iaǵni Talapker kentiniń mańynda iske qosylady. Aýyr salmaqty júkterdi tasymaldaýdyń qarqyndylyǵy jol jabyndarynyń tozýy men buzylýyna aitarlyqtai áser etedi. Jańa tehnologiiany - salmaqty ólsheýdiń avtomattandyrylǵan stantsiialaryn engizý júk kólik quraldarynyń barlyq aǵynyn salmaqty baqylaýmen qamtýǵa, barlyq ereje buzýshylardy anyqtaýǵa jáne ákimshilik jaýapqa tartýǵa múmkindik beredi. Osylaisha, tasymaldaýshylardyń tártibi men avtomobil joldarynyń saqtalýy artady, olardy jóndeýge jumsalatyn shyǵyndar tómendetiledi», - delingen QR IIDM málimetinde.
Sonymen qatar, kóliktiń salmaq, gabarittik parametrlerin ólsheý protsesi kóliktik baqylaý organdary inspektorlarynyń qatysýynsyz avtomatty túrde júrgiziledi. Anyqtalǵan ereje buzýshylyqtar boiynsha ákimshilik praktika «Sergek» júiesiniń jumys isteý qaǵidaty boiynsha júzege asyrylatyn bolady. Bul adami faktordy boldyrmaýǵa jáne kóliktik baqylaý júiesindegi ákimshilik kedergilerdi barynsha azaitýǵa yqpal etedi.
«Kólik infraqurylymyn damytýdaǵy «Nurly jol» memlekettik baǵdarlamasy aiasynda 2025 jylǵa deiin Qazaqstan avtojoldarynda 112 avtomattandyrylǵan ólsheý stantsiialaryn ornatý josparlanýda», - delingen ótken habarlamada.
