اۆتوموبيلدٸڭ سالماق, گاباريتتٸك پارامەترلەرٸن ٶلشەۋدٸڭ اۆتوماتتاندىرىلعان ستانتسييالارى 2025 جىلعا دەيٸن رەسپۋبليكالىق ماڭىزى بار بارلىق اۆتوجولداردا پايدا بولادى, دەپ حابارلايدى "ۇلت اقپارات".
«العاشقى «تارازى-اۆتومات» قاناتقاقتى رەجيمدە كەلەسٸ جىلدىڭ ماۋسىم ايىنا دەيٸن «ەكاتەرينبۋرگ-الماتى» اۆتوجولىندا, ياعني تالاپكەر كەنتٸنٸڭ ماڭىندا ٸسكە قوسىلادى. اۋىر سالماقتى جٷكتەردٸ تاسىمالداۋدىڭ قارقىندىلىعى جول جابىندارىنىڭ توزۋى مەن بۇزىلۋىنا ايتارلىقتاي ەسەر ەتەدٸ. جاڭا تەحنولوگييانى - سالماقتى ٶلشەۋدٸڭ اۆتوماتتاندىرىلعان ستانتسييالارىن ەنگٸزۋ جٷك كٶلٸك قۇرالدارىنىڭ بارلىق اعىنىن سالماقتى باقىلاۋمەن قامتۋعا, بارلىق ەرەجە بۇزۋشىلاردى انىقتاۋعا جەنە ەكٸمشٸلٸك جاۋاپقا تارتۋعا مٷمكٸندٸك بەرەدٸ. وسىلايشا, تاسىمالداۋشىلاردىڭ تەرتٸبٸ مەن اۆتوموبيل جولدارىنىڭ ساقتالۋى ارتادى, ولاردى جٶندەۋگە جۇمسالاتىن شىعىندار تٶمەندەتٸلەدٸ», - دەلٸنگەن قر ييدم مەلٸمەتٸندە.
سونىمەن قاتار, كٶلٸكتٸڭ سالماق, گاباريتتٸك پارامەترلەرٸن ٶلشەۋ پروتسەسٸ كٶلٸكتٸك باقىلاۋ ورگاندارى ينسپەكتورلارىنىڭ قاتىسۋىنسىز اۆتوماتتى تٷردە جٷرگٸزٸلەدٸ. انىقتالعان ەرەجە بۇزۋشىلىقتار بويىنشا ەكٸمشٸلٸك پراكتيكا «سەرگەك» جٷيەسٸنٸڭ جۇمىس ٸستەۋ قاعيداتى بويىنشا جٷزەگە اسىرىلاتىن بولادى. بۇل ادامي فاكتوردى بولدىرماۋعا جەنە كٶلٸكتٸك باقىلاۋ جٷيەسٸندەگٸ ەكٸمشٸلٸك كەدەرگٸلەردٸ بارىنشا ازايتۋعا ىقپال ەتەدٸ.
«كٶلٸك ينفراقۇرىلىمىن دامىتۋداعى «نۇرلى جول» مەملەكەتتٸك باعدارلاماسى اياسىندا 2025 جىلعا دەيٸن قازاقستان اۆتوجولدارىندا 112 اۆتوماتتاندىرىلعان ٶلشەۋ ستانتسييالارىن ورناتۋ جوسپارلانۋدا», - دەلٸنگەن ٶتكەن حابارلامادا.
