Qazaqstan jastary kongresiniń Qazaqstan Respýblikasy Prezidentiniń 2017 jylǵy 30 qańtardaǵy Qazaqstan halqyna arnaǵan Joldaýyn qoldaý jónindegi
Qazaqstan Respýblikasy Prezidentiniń 2017 jylǵy 30 qańtardaǵy Qazaqstan halqyna arnaǵan Joldaýyn qoldaý jónindegi úndeýi
Búgingi kúnde Qazaqstan jastary azamattyq qoǵamnyń tolyq quqyqty, talapty jáne jaýapty sýbektisine ainalǵan. Jastar úshin kóptegen baǵdarlamalar iske asyrylýda. Jyl saiyn myńdaǵan jas mamandar, joǵarǵy oqý oryndary men kolledj túlekteri ómirlik sóreniń jańa múmkindikterine ie bolýda. Munyń barlyǵy Elbasymyzdyń kóregen saiasatynyń jemisi bolyp tabylady.
Qazaqstan jastarynyń kongresi Elbasynyń «Qazaqstannyń úshinshi jańǵyrýy: jahandyq básekege qabilettilik» joldaýynda ataǵan bastamalaryn tolyqtai qoldaityny týraly málimdeidi.
25 jyl ishindegi qarqyndy ári maqsatty damyǵan Qazaqstan álem sahnasynda bedeldi orynǵa ie boldy. Bul jetistik alǵashqy eki jańǵyrý kezeńderiniń nátijesi bolyp tabylady. Ol jyldarda jastar elimizdiń tabystarynda mańyzdy ról atqarǵan oqiǵalarynyń aldyńǵy qatarly kýágerleri boldy.
Prezident óziniń joldaýynda elimizge damyǵan elderdiń qataryna qosylýǵa múmkindik beretin kelesi mańyzdy baǵyttarǵa ekpin qoidy. Olar – ekonomikany qarqyndy túrde tehnologiialyq jańǵyrtý; dástúrli negizgi salalardy damytý; eńbek naryǵyn jańǵyrtý; makroekonomikalyq turaqtylyq; adami kapitaldyń sapasyn kóterý; institýtsionaldyq túrlendirý, qaýipsizdik, sybailas jemqorlyqpen kúres.
Qazaqstan jastaryn biriktirýshi jastar uiymy retinde, biz Prezident bastamalary qazirgi zaman talaptaryna sai dep oilaimyz. Elimizdiń jas býyny úshin bilim, eńbek naryǵy, aqparattyq tehnologiialardyń damýy suraqtary erekshe mańyzdy. 2015 jyly Elbasymyz «Tegin kásibi-tehnikalyq bilim» jobasyn usynǵan bolatyn. Osy jyly atalǵan joba óziniń jappai iske asyrylý satysyna kóteriledi jáne kóptegen stýdentterge óz jolyn tabýǵa kómektesedi.
Sonymen qatar, Nursultan Ábishuly, eń aldymen bilim berý júiesiniń rólin ózgertý qajet ekenin belgileidi. Elbasynyń Joldaýy boiynsha: «Bizdiń mindetimiz – bilimdi ekonomikalyq ósý modeliniń ortalyq túiini qylý bolyp tabylady. Oqý baǵdarlamalaryn kritikalyq oilaý, ózdiginen aqparat izdeý daǵdylaryn damytýǵa baǵyttaý qajet». Prezidentimiz IT-bilim, qarjylyq saýattylyqty qalyptastyrý men patriottyq tárbieniń ózektiligin kórsetti. Munyń barlyǵy jastarda memleketimizdiń jańa damý kezeńinde qajetti, ómir úshin mańyzdy jańa daǵdylar men qabiletterdi qalyptastyrady. Bilim berý júiesinde IT-salanyń qarqyndy damýy jáne muǵalimderdiń kvalifikatsiialarynyń joǵarylaýy qala men aýyl mektepteriniń arasyndaǵy bilim sapasynyń aiyrmashylyǵyn azaitýǵa septigin tigizeri aiqyn.
Jas qazaqstandyqtar úshin eń mańyzdy másele – jumysqa ornalasý máselesi. Eńbek naryǵyn jańǵyrtý maqsatynda Elbasymyz óz Joldaýynda jumyskerlerdiń jańa zaman salalarynyń mamandyqtaryna kóshýi úshin qolaily jaǵdailar jasaý mindetin qoidy. Osyǵan orai, Prezident eńbekpen qamtýdyń jańa Jol kartasyn ázirleý qajettiligin atap ótti. Mundai Jol kartalary jumys berýshilerdiń qysqartylǵan jumyskerlerdi qaita daiyndaý jáne jańa jumysqa ornalastyrýdaǵy mindetterin aiqyndap kórsetetin bolady.
Qazaqstan jastarynyń atynan Elbasy Joldaýynda atalǵan baǵyttardy qoldaitynymyz týraly málimdeimiz! Álemniń jahandanýy bizden jańa kózqarastar men eńbek naryǵyn talap etedi.
«Qazaqstannyń úshinshi jańǵyrýy: jahandyq básekege qabilettilik» atty Elbasynyń joldaýy bizge «Máńgilik el» ulttyq ideiasyna jetýde serpindi qadam jasaýǵa, ekonomikalyq ósýdiń jańa modelin qalyptastyrýda, básekelestik qabiletimizdi nyǵaitýda jáne 2030 jyly 30 damyǵan elder qataryna qosylýymyzǵa zor yqpalyn tigizetinine senemiz.
Qazaqstan jastarynyń kongresi
Ult portaly
.jpeg)