Astanadaǵy Táýelsizdik saraiynda ótip jatqan «Iadrolyq qarýsyz álem qurý» atty Halyqaralyq konferentsiianyń plenarlyq májilisin qorytyndylaǵan QR Prezidenti Nursultan Nazarbaev endigi kezekte qur uran-sózben shektelmei, iadrolyq qarýsyzdandyrý bastamasyn is júzinde jalǵastyrý qajettigin jetkizdi. Osy oraida Elbasy naqty birneshe usynys jasady. Sonyń ishinde iadrolyq qarýsyzdandyrý salasyndaǵy arnaiy syilyqty taǵaiyndaý bastamasy da bar, dep habarlaidy Baq.kz tilshisi.
«Iadrolyq qarý boiynsha jalpyǵa birdei konventsiiany qabyldaý osy baǵyttaǵy naqty qadamdardyń biri bolar edi. Biz bul bastamany taǵy kóteretin bolamyz. Atalǵan qujatta iadrolyq qarýǵa tyiym salyp, ony joiýdyń naqty merzimderi kórsetilýi tiis. Budan bólek,basqa da qujattar ázirlenýi múmkin. Osy oraida bizge qoldaý kórsetiledi dep senemiz»,- dedi N.Nazarbaev konferentsiia qatysýshylaryna qaratyp aitqan sózinde.
Sondai-aq Prezident iadrolyq qarýsyzdandyrý salasyndaǵy arnaiy syilyqty taǵaiyndaý bastamasyn qoldaitynyn jetkizdi. Alaida onyń ataýyn áli oilastyrý qajet.
«Ol iadrolyq qarýsyz beibitshilik úshin syilyq bolatyn shyǵar. Bálkim, iadrolyq qarýsyzdandyrý úshin beriledi. Biz ondai premiiany taǵaiyndaýdy óz qolymyzǵa alamyz. Iadrolyq qarýsyzdandyrý dep alǵan durys shyǵar. Sebebi beibitshilik úshin bir emes, birneshe syilyq bar siiaqty. Biz oilastyryp, ol syilyqty taǵaiyndaý týraly sheshimdi qabyldaityn bolamyz. Qarasha aiynda Astana qalasynda Beibitshilik sammiti ótedi. Sol jerde syilyqty taǵaiyndap, alǵashqy laýreatyn ataýǵa bolady dep oilaimyn»,-dep atap kórsetti N.Nazarbaev.
Aita keteiik, «Iadrolyqqarýsyz álem qurý» atty Halyqaralyq konferentsiia Semei poligonynyń jabylǵanyna 25 jyl tolýyna orai uiymdastyrylyp otyr.
