استاناداعى تەۋەلسٸزدٸك سارايىندا ٶتٸپ جاتقان «يادرولىق قارۋسىز ەلەم قۇرۋ» اتتى حالىقارالىق كونفەرەنتسييانىڭ پلەنارلىق مەجٸلٸسٸن قورىتىندىلاعان قر پرەزيدەنتٸ نۇرسۇلتان نازارباەۆ ەندٸگٸ كەزەكتە قۇر ۇران-سٶزبەن شەكتەلمەي, يادرولىق قارۋسىزداندىرۋ باستاماسىن ٸس جٷزٸندە جالعاستىرۋ قاجەتتٸگٸن جەتكٸزدٸ. وسى ورايدا ەلباسى ناقتى بٸرنەشە ۇسىنىس جاسادى. سونىڭ ٸشٸندە يادرولىق قارۋسىزداندىرۋ سالاسىنداعى ارنايى سىيلىقتى تاعايىنداۋ باستاماسى دا بار, دەپ حابارلايدى Baq.kz تٸلشٸسٸ.
«يادرولىق قارۋ بويىنشا جالپىعا بٸردەي كونۆەنتسييانى قابىلداۋ وسى باعىتتاعى ناقتى قادامداردىڭ بٸرٸ بولار ەدٸ. بٸز بۇل باستامانى تاعى كٶتەرەتٸن بولامىز. اتالعان قۇجاتتا يادرولىق قارۋعا تىيىم سالىپ, ونى جويۋدىڭ ناقتى مەرزٸمدەرٸ كٶرسەتٸلۋٸ تيٸس. بۇدان بٶلەك,باسقا دا قۇجاتتار ەزٸرلەنۋٸ مٷمكٸن. وسى ورايدا بٸزگە قولداۋ كٶرسەتٸلەدٸ دەپ سەنەمٸز»,- دەدٸ ن.نازارباەۆ كونفەرەنتسييا قاتىسۋشىلارىنا قاراتىپ ايتقان سٶزٸندە.
سونداي-اق پرەزيدەنت يادرولىق قارۋسىزداندىرۋ سالاسىنداعى ارنايى سىيلىقتى تاعايىنداۋ باستاماسىن قولدايتىنىن جەتكٸزدٸ. الايدا ونىڭ اتاۋىن ەلٸ ويلاستىرۋ قاجەت.
«ول يادرولىق قارۋسىز بەيبٸتشٸلٸك ٷشٸن سىيلىق بولاتىن شىعار. بەلكٸم, يادرولىق قارۋسىزداندىرۋ ٷشٸن بەرٸلەدٸ. بٸز ونداي پرەمييانى تاعايىنداۋدى ٶز قولىمىزعا الامىز. يادرولىق قارۋسىزداندىرۋ دەپ العان دۇرىس شىعار. سەبەبٸ بەيبٸتشٸلٸك ٷشٸن بٸر ەمەس, بٸرنەشە سىيلىق بار سيياقتى. بٸز ويلاستىرىپ, ول سىيلىقتى تاعايىنداۋ تۋرالى شەشٸمدٸ قابىلدايتىن بولامىز. قاراشا ايىندا استانا قالاسىندا بەيبٸتشٸلٸك سامميتٸ ٶتەدٸ. سول جەردە سىيلىقتى تاعايىنداپ, العاشقى لاۋرەاتىن اتاۋعا بولادى دەپ ويلايمىن»,-دەپ اتاپ كٶرسەتتٸ ن.نازارباەۆ.
ايتا كەتەيٸك, «يادرولىققارۋسىز ەلەم قۇرۋ» اتتى حالىقارالىق كونفەرەنتسييا سەمەي پوليگونىنىڭ جابىلعانىنا 25 جىل تولۋىنا وراي ۇيىمداستىرىلىپ وتىر.
