Vaktsina alǵan halyqtyń sanyna qurylǵan halyqaralyq retingte Qazaqstan 60 orynnan 42 orynǵa kóterildi, dep habarlaidy "Ult aqparat".
coronavirus2020.kz saitynyń telegram kanalynda jariialanǵan aqparatqa sáikes, Our World in data ǵalamdyq derekteriniń ǵylymi onlain-basylymy álem elderiniń halyqty vaktsinalaý deńgeii týraly kezekti reiting jariialady. Qazaqstan jańa reitingte 18 orynǵa alǵa jyljyǵan. Eldegi vaktsinanyn eki komponentin de tolyq alǵan turǵyndardyń úlesi sáýir aiynyń sońynda 9,4% bolǵan. Sanmen alsaq, bul 1,79 mln adam degen sóz.
Naýqan bastalǵannan beri árbir onynshy qazaqstandyq vatsina alyp úlgergen.
21-24 maýsymdaǵy málimetter boiynsha vaktsinalaý naýqanynyń absoliýtti kóshbasshysy Qytai bolyp otyr. Munda vaktsinany 223 millionnan astam adam alǵan. Biraq, halyqtyń jalpy sanyna shaqsa, bul el azamattarynyń tek 15%-y ǵana.
Kóshbasshylar úshtiginde AQSh ta bar. Bul elde vaktsina alǵandar sany 150 millionnan asady. Úshinshi orynda Úndistan tur. Bul memlekette 51 millionnan astam azamat nemese halyqtyń 3,7%-y ekpe alǵan.
