Foto: QR ǴJBM
Qazaqstan joǵary bilim berý salasynda alǵash ret álemdik kóshbasshylardyń qataryna qosyldy: Times Higher Education World University Rankings 2026 reitinginde birden bes otandyq joǵary oqý orny jahandyq tizimge endi, dep habarlaidy Ult.kz.
Eń basty jetistik – Nazarbaev ýniversitetiniń 401-500 diapazonyna kirýi, bul – qazaqstandyq joǵary oqý oryndarynyń halyqaralyq reitingter tarihyndaǵy eń joǵary kórsetkish.
Qazaqstan aimaqtaǵy kóshbasshylyǵyn nyǵaitty
2025 jylǵy nátijeler boiynsha Qazaqstan Ortalyq Aziia men Kavkaz elderi arasynda eń kóp oqý orny engen memleketke ainaldy. Biyl reitingke bes qazaqstandyq ýniversitet endi, olardyń ishinde Nazarbayev University alǵash ret álemdik top-500 qataryna kóterildi. Sonymen qatar ál-Farabi atyndaǵy Qazaq ulttyq ýniversiteti óz ornyn 1201-1500 diapazonynda saqtap qaldy. Sondai-aq tizimge L.N.Gýmilev atyndaǵy Eýraziia ulttyq ýniversiteti, Satbayev University jáne Qazaq agrarlyq zertteý ýniversiteti endi. Osylaisha, el joǵary oqý oryndarynyń sany boiynsha ǵana emes, sapasy boiynsha da óz pozitsiiasyn kúsheitti.
Óńirlik nátijeler
2026 jyly Ortalyq Aziia men Kavkaz aimaǵynan rekordtyq kórsetkish – bes eldiń 17 ýniversiteti reitingke endi. Times Higher Education sarapshylarynyń aitýynsha, Ortalyq Aziia men Kavkaz álemdik akademiialyq keńistikte «jańa tartylys ortalyǵyna» ainalyp keledi. Eger 2020 jyly reitingte óńirdiń úsh ýniversiteti bolsa, búginde olardyń sany alty esege jýyq artqan.
World University Rankings – bul zertteý ýniversitetteriniń eń iri jáne teńgerimdi halyqaralyq reitingi. Ádisteme 18 kórsetkishke negizdelgen, olar bes baǵyt boiynsha toptastyrylǵan:
- ✔ Oqytý (Teaching) – bilim berý sapasy men akademiialyq bedel;
- ✔ Zertteý ortasy (Research Environment) – tabys, ónimdilik jáne zertteý bedeli;
- ✔ Zertteý sapasy (Research Quality) – dáieksóz keltirilýi, zertteý kúshi men yqpaly;
- ✔ Halyqaralyq baǵdar (International Outlook) – sheteldik stýdentter, qyzmetkerler jáne jariialanymdar úlesi;
- ✔ Indýstriiamen bailanys (Industry) – ónerkásippen ózara áreket jáne patenttik belsendilik.
Baǵalaý barysynda 19 million ǵylymi jariialanym, 1,5 million sarapshynyń pikiri jáne 3 myńnan astam ýniversitettiń institýtsionaldyq derekteri eskerildi.
