Qazaqstan ulttyq quramasy Aýyr atletikadan álem chempionatynan resmi túrde shettetildi, - dep habarlaidy Vesti.kz tilshisi Halyqaralyq aýyr atletika federatsiiasynyń (IWF) saityna silteme jasap.
Aýyr atletikadan álem chempionaty AQSh-tyń Anahaim qalasynda 28 qarasha men 5 jeltoqsan aralyǵynda ótedi. Bir jylǵa Qazaqstan, Resei, Qytai, Belarýs, Ázirbaijan, Túrkiia jáne Moldaviia federatsiialary shettetildi. Bul elderdiń 2008 jáne 2012 jylǵy Olimpiadalarda qaita júrgizilgen doping-testileýden úsh nemese odan kóp sportshysynyń qan quramynan tyiym salynǵan zattar tabylǵan.
Osylaisha osy elderdiń aýyratletteri bir jylǵa IWF aiasyndaǵy barlyq halyqaralyq jarystan shettetilip otyr.
Eske salaiyq, munyń aldynda Aýyr atletikadan Qazaqstan quramasyna doping erejebuzýshylyqtaryna bailanysty Anahaimada ótetin 2017 jylǵy álem chempionatyna qatysýǵa tyiym salynatyny habarlanǵan edi. Qazaqstannyń aýyr atletika federatsiiasy ulttyq qurama doping qoldanǵan sportshylar úshin Anahaimada (AQSh) ótetin 2017 jylǵy álem chempionatyna qatystyrylmaidy delingen qaýesetterge qatysty málimdeme jasaǵan bolatyn.
