Asqar Mamin úkimeti parlament sailaýynan keiin otstavkaǵa ketti.
Qazaqstanda 10 qańtarda májilis depýtattaryn sailaý ótti. Parlamentke úsh partiia keldi:
-
Nur Otan partiiasy (71,09%)
-
"Aq jol"Qazaqstannyń demokratiialyq partiiasy (10,95%)
-
Qazaqstan halyq partiiasy (9,10%).
Úkimettiń otstavkaǵa ketýi
Konstitýtsiialyq zańǵa sáikes, úkimet májilis quramy qaita sailanǵannan keiin óz ókiletin toqtatady. Ministrler kabinetiniń jańa quramy bekitilgenge deiin premer-ministr de, ministrler de óz mindetin oryndaidy.
"Qazaqstan Respýblikasy úkimetiniń jańa quramy bekitilgenge deiin Qazaqstan Respýblikasynyń úkimeti óz mindetin atqaratyn bolsyn", - delingen Aqordada jariialanǵan Toqaevtyń jarlyǵynda.
Jarlyq qol qoiylǵan kúninen, iaǵni 15 qańtardan bastap kúshine enedi.
Óńirlerdegi ákimder óz qyzmetin jalǵastyrady. Oblystardyń, respýblikalyq mańyzy bar qalalardyń jáne astana basshysyn (máslihattardyń kelisimimen) tek prezident taǵaiyndai alady.
Jańa úkimet qalai qurylady?
Premer-ministr prezidentke úkimettiń qurylymy men quramy týraly usynys engizedi.
Májilispen keńeskennen keiin premer-ministr úkimet músheleri laýazymdaryna kandidattardy engizedi (syrtqy ister, qorǵanys jáne ishki ister ministrlerin qospaǵanda).
