.jpg)
Sýret: pm.kz
Elimizdiń barlyq ónerkásip salalary, onyń ishinde TKMK da memleketten qandai da bir preferentsiialar alady. Óz kezeginde Úkimet olardy otandyq ónimdi satyp alý kólemin ulǵaitý arqyly óńirlerde shaǵyn jáne orta kásipkerliktiń ósýin yntalandyrýǵa shaqyrady, dep habarlaidy "Ult aqparat" Birinshi vitse-premer Roman Skliardyń suhbatyna silteme jasap.
Birinshi vitse-premer Roman Skliardyń aitýynsha, bul jumysty Qazindustry institýty kúndelikti júrgizedi. Bul rette iri jáne orta kompaniialar tarapynan tolyq túsinik qalyptasqan.
«Premer-Ministrdiń iri kompaniialardyń aldyna qoiǵan taǵy bir mindeti – qaita bólinýi joǵary óndiristerdi damytý. Esterińizge sala keteiin, buǵan deiin bizdegi barlyq aliýminii eksportqa shyǵarylatyn. Tipten, aliýminii satyp alǵysy kelgen qazaqstandyq kompaniialar ony kórshi elden satyp alǵan kezder de bolǵan. Bastapqyda senimge kirý arqyly, keiinnen qajetti normativtik-quqyqtyq aktilerdi qabyldai otyryp, biz ózimizdiń qaita óńdeýshilerimiz úshin ishki baǵanyń London birjasynan 5%-ǵa tómendeýine qol jetkizdik. Ótken jyly 51 myń tonna aliýminii el ishinde qaita óńdeldi. Bul baǵytty biz ári qarai jalǵastyramyz. Barlyq normativtik-quqyqtyq aktiler bar, iri kompaniialar óz shikizatyn az jeńildikpen beredi, óndiristi uiymdastyrý úshin jaǵdaidy jaqsartýǵa múmkindik beredi jáne tabysty arttyrady. Shikizat naryǵyndaǵy qazirgi jaǵdaidy eskersek, bul kompaniialardyń ózderine de tiimdi. Olar, árine, salystyrmaly túrde tómen paiyzben, qymbat emes uzaqmerzimdi nesieler suraidy. Múmkindiginshe bul máselelerdi de sheshemiz», — dedi Roman Skliar.
