Qazaqstan tutynatyn elektr energiiasynyń 97 paiyzy ekijaqty kelisimshart arqyly satylǵan. QR Parlamenti Senatynyń depýtaty Súiindik Aldashev osyndai pikir bildirdi, dep habarlaidy QazAqparat.
«Energetika kásiporyndarynyń affilirlenýi jáne elektr energiiasy naryǵyndaǵy oligopoliia da ózekti problema bolyp tur. Qazaqstandaǵy elektr energiianyń 65 paiyzyn 5 kompaniia generatsiialap otyr. Qalǵandaryna 36 paiyz ǵana tiesili. Atap aitsaq, «Samuryq-Energo» (31%), Eýraziialyq top (17%), Kazakhmys Energy (7%), Ortalyq Aziia elektr-energetikalyq korporatsiia (5,4%) jáne qazaqstandyq kommýnaldyq júieler (6%) ózara bólisip otyr», - dedi ol senat qabyrǵasynda ótip jatqan dóńgelek ústelde.
Onyń aitýynsha, salada qarjylyq ashyqtyq joq.
«Onyń ústine tutynylatyn elektr energiiasynyń 97%-y ekijaqty kelisimshart arqyly satylǵan. Qalyptasqan júie qarjylyq ashyqtyqtyń joqtyǵymen, tarifterdi memleket tarapynan reteýdiń qiyndyǵymen erekshelenedi. Mundai jaǵdaida elektr energetiksyndaǵy báseke týraly aitýdyń ózi artyq», - dedi depýtat.
