Qazaqstan túrmelerinde «elektrondy dúken» engizildi. Bul týraly QR Ishki ister ministrligi Qylmystyq atqarý júiesi komitetiniń tóraǵasy, politsiia polkovnigi Janat Eshmaǵambetov aitty, dep habarlaidy QazAqparat.
Onyń sózine qaraǵanda, QAJ júiesin damytý jónindegi baǵdarlamalyq qujattar aiasynda sottalǵandardyń quqyqtyq jáne ustaý jaǵdaiyn jaqsartýǵa, tsifrlandyrýǵa jáne júieniń ashyqtyǵyna baǵyttalǵan jumystar atqarylyp jatyr.
«Bas bostandyǵynan aiyrý oryndaryndaǵy adamdardyń elektrondy túrde shaǵym joldaý quqyǵy engizildi. Is júzinde árbir mekemege prokýratýraǵa, odan ary sotqa jáne jemqorlyqqa qarsy qyzmetke shaǵym jasaý úshin elektrondy terminaldar ornatylady. Jańa tehnoloniialardan ruqsat berilgen tamaq, kiim, kitap sekildi túrli taýarlar men zattarǵa tapsyrys berý úshin «elektrondy dúken» tehnologiiasy engizilýde», - dedi ol.
Sonymen qatar komitet basshysynyń aitýynsha, sottalýshylar men olardyń týystarynyń beinekezdesýleri de uiymdastyrylyp otyr. Mekemelerdegi beinekezdesýler karantin kezinde óz tiimdiligin kórsetti Olardyń sany 33 myńǵa jetti.
«Óz kezeginde, Ishki ister ministriniń tapsyrmasymen beinebailanys arqyly kezdesýlerdiń jáne sottalǵandarǵa joldanatyn saýqattardyń sany 14-ten 20 kelige deiin ulǵaiǵanyn atap ótkim keledi», - deidi Janat Eshmaǵambetov.
