قازاقستان تٷرمەلەرٸندە «ەلەكتروندى دٷكەن» ەنگٸزٸلدٸ. بۇل تۋرالى قر ٸشكٸ ٸستەر مينيسترلٸگٸ قىلمىستىق اتقارۋ جٷيەسٸ كوميتەتٸنٸڭ تٶراعاسى, پوليتسييا پولكوۆنيگٸ جانات ەشماعامبەتوۆ ايتتى, دەپ حابارلايدى قازاقپارات.
ونىڭ سٶزٸنە قاراعاندا, قاج جٷيەسٸن دامىتۋ جٶنٸندەگٸ باعدارلامالىق قۇجاتتار اياسىندا سوتتالعانداردىڭ قۇقىقتىق جەنە ۇستاۋ جاعدايىن جاقسارتۋعا, تسيفرلاندىرۋعا جەنە جٷيەنٸڭ اشىقتىعىنا باعىتتالعان جۇمىستار اتقارىلىپ جاتىر.
«باس بوستاندىعىنان ايىرۋ ورىندارىنداعى ادامداردىڭ ەلەكتروندى تٷردە شاعىم جولداۋ قۇقىعى ەنگٸزٸلدٸ. ٸس جٷزٸندە ەربٸر مەكەمەگە پروكۋراتۋراعا, ودان ارى سوتقا جەنە جەمقورلىققا قارسى قىزمەتكە شاعىم جاساۋ ٷشٸن ەلەكتروندى تەرمينالدار ورناتىلادى. جاڭا تەحنولونييالاردان رۇقسات بەرٸلگەن تاماق, كيٸم, كٸتاپ سەكٸلدٸ تٷرلٸ تاۋارلار مەن زاتتارعا تاپسىرىس بەرۋ ٷشٸن «ەلەكتروندى دٷكەن» تەحنولوگيياسى ەنگٸزٸلۋدە», - دەدٸ ول.
سونىمەن قاتار كوميتەت باسشىسىنىڭ ايتۋىنشا, سوتتالۋشىلار مەن ولاردىڭ تۋىستارىنىڭ بەينەكەزدەسۋلەرٸ دە ۇيىمداستىرىلىپ وتىر. مەكەمەلەردەگٸ بەينەكەزدەسۋلەر كارانتين كەزٸندە ٶز تيٸمدٸلٸگٸن كٶرسەتتٸ ولاردىڭ سانى 33 مىڭعا جەتتٸ.
«ٶز كەزەگٸندە, ٸشكٸ ٸستەر مينيسترٸنٸڭ تاپسىرماسىمەن بەينەبايلانىس ارقىلى كەزدەسۋلەردٸڭ جەنە سوتتالعاندارعا جولداناتىن ساۋقاتتاردىڭ سانى 14-تەن 20 كەلٸگە دەيٸن ۇلعايعانىن اتاپ ٶتكٸم كەلەدٸ», - دەيدٸ جانات ەشماعامبەتوۆ.
