2020 jyldyń qorytyndysy boiynsha Qazaqstan TMD elderi arasynda turǵyn úi qurylysy salasynda 1-shi orynda, dep habarlaidy "Ult aqparat" QR IIDM baspasóz qyzmetine silteme jasap.
Vedmostvonyń málimetinshe, yltyr Qazaqstanda turǵyn úidi paidalanýǵa berý kórsetkishi jan basyna shaqqanda 0,81 sharshy metrge jetti. «Bul TMD elderi arasyndaǵy eń joǵary kórsetkish jáne ol ekonomikalyq damyǵan elderdiń deńgeiine jaqyndady. Máselen, ótken jyldyń qorytyndysy boiynsha Reseide - 0,56 sharshy metr, Belarýs elinde - 0,45 sharshy metr, al Ózbekstanda - bir adamǵa 0,36 sharshy metr turǵyn úi paidalanýǵa berilgen», delingen habaralmada.
Bul kórsetkish 2019 jyldan bastap ólshenip keledi jáne Qazaqstan ekinshi jyl qatarynan TMD elderi arasynda kóshbasshy boldy.
«Nurly jer» memlekettik turǵyn úi-kommýnaldyq damý baǵdarlamasynyń sheńberinde halyqqa qolaily turmys jaǵdaiyn jasaý, turǵyn úi qoljetimdiligi men jailylyǵyn arttyrý, sondai-aq turǵyn úi infraqurylymyn damytý - memlekettik saiasattyń basym baǵyttary», - Indýstriia jáne infraqurylymdyq damý ministrliginiń Qurylys jáne turǵyn úi-kommýnaldyq sharýashylyq isteri komitetiniń tóraǵasy Marhabat Jaiymbetov.
Esterińizge sala keteiik, 2020 jyly baǵdarlamanyń barlyq qarjylandyrý kózderinen biryńǵai turǵyn úi saiasatyn iske asyrý jónindegi tapsyrma aiasynda rekord 15,3 million sharshy metr turǵyn úi paidalanýǵa berildi, bul 2019 jylǵy kórsetkishten 16,8% artyq.
