Armeniia prezidenti Armen Sarkisian burynǵy tótenshe jaǵdailar ministriniń mindetin atqarýshy David Tonoiandy qorǵanys ministri qyzmetine taǵaiyndady, dep habarlaidy memleket basshysynyń baspasóz qyzmeti.
"David Tonoian Armeniia Respýblikasynyń qorǵanys ministri bolyp taǵaiyndalsyn", — delingen jarlyqta.
Buǵan deiin premer-ministr Nikol Pashinian jýrnalisterge Tonoiannyń Qorǵanys ministrligin basqaratynyn málimdegen edi.
Tonoian 1967 jyly Óskemende týǵan. Erevan memlekettik ýniversiteti men Reseidegi Áskeri-diplomatiialyq akademiiany támamdady. Aǵylshyn, orys jáne frantsýz tilderin meńgergen. Keńes armiiasy qatarynda áskeri boryshyn ótedi. 1994 jyldan bastap Armeniia Qorǵanys ministrliginiń qurylymynda jumys istedi.
Qorǵanys ministrligi halyqaralyq áskeri yntymaqtastyq, qorǵanys baǵdarlamalary jáne qorǵanys saiasaty basqarmasyn basqardy. 2010-2017 jyldary Armeniia qorǵanys ministriniń birinshi orynbasary bolyp jumys istedi, al 2017 jyldan bastap TJM basshysy laýazymynda boldy.
