Prezident Qasym-Jomart Toqaev Digital Bridge halyqaralyq forýmynyń plenarlyq otyrysynda Qazaqstan kóptegen damyǵan eldi ozyp, BUU-nyń tsifrlanǵan memleketter reitinginde úzdik otyz eldiń qataryna kirgenin aitty, dep habarlaidy "Ult aqparat".
"Adamdyq, ziiatkerlik jáne ǵylymi áleýeti zor Qazaqstan innovatsiialardy, tsifrlyq óndiristi jáne shyǵarmashylyqty damytýdyń biregei keńistigi bolyp tabylady. Búgingi tańda tek jekelegen kompaniialardyń ǵana emes, básekege qabilettiligin anyqtaýshy faktor bolyp tabylatyn tsifrlyq transformatsiia ekeni eshkimge qupiia emes.
Sarapshylardyń boljamy boiynsha, on jyldan keiin álemdegi ónimder men qyzmetterdiń 70 paiyzy tsifrlyq platformalyq modelderge negizdeledi. Osyndai jaǵdaida Qazaqstan óz aldyna eýraziialyq keńistiktegi eń iri tsifrlyq habtardyń birine ainalý strategiialyq mindetin qoidy.
Bul úshin berik negiz bar. Búginde Qazaqstan kóptegen damyǵan elden ozyp, BUU-nyń tsifrlanǵan memleketter reitinginde úzdik otyz eldiń qataryna kiredi", - dedi Toqaev.
Aita keteiik, búgin Memleket basshysy Astanada Digital Bridge 2022 halyqaralyq tehnologiialyq forýmyn ashty. Biylǵy forýmnyń taqyryby - "Ortalyq Eýraziia jańa tehnologiialyq platforma retinde".
