پرەزيدەنت قاسىم-جومارت توقاەۆ Digital Bridge حالىقارالىق فورۋمىنىڭ پلەنارلىق وتىرىسىندا قازاقستان كٶپتەگەن دامىعان ەلدٸ وزىپ, بۇۇ-نىڭ تسيفرلانعان مەملەكەتتەر رەيتينگٸندە ٷزدٸك وتىز ەلدٸڭ قاتارىنا كٸرگەنٸن ايتتى, دەپ حابارلايدى "ۇلت اقپارات".
"ادامدىق, زيياتكەرلٸك جەنە عىلىمي ەلەۋەتٸ زور قازاقستان يننوۆاتسييالاردى, تسيفرلىق ٶندٸرٸستٸ جەنە شىعارماشىلىقتى دامىتۋدىڭ بٸرەگەي كەڭٸستٸگٸ بولىپ تابىلادى. بٷگٸنگٸ تاڭدا تەك جەكەلەگەن كومپانييالاردىڭ عانا ەمەس, بەسەكەگە قابٸلەتتٸلٸگٸن انىقتاۋشى فاكتور بولىپ تابىلاتىن تسيفرلىق ترانسفورماتسييا ەكەنٸ ەشكٸمگە قۇپييا ەمەس.
ساراپشىلاردىڭ بولجامى بويىنشا, ون جىلدان كەيٸن ەلەمدەگٸ ٶنٸمدەر مەن قىزمەتتەردٸڭ 70 پايىزى تسيفرلىق پلاتفورمالىق مودەلدەرگە نەگٸزدەلەدٸ. وسىنداي جاعدايدا قازاقستان ٶز الدىنا ەۋرازييالىق كەڭٸستٸكتەگٸ ەڭ ٸرٸ تسيفرلىق حابتاردىڭ بٸرٸنە اينالۋ ستراتەگييالىق مٸندەتٸن قويدى.
بۇل ٷشٸن بەرٸك نەگٸز بار. بٷگٸندە قازاقستان كٶپتەگەن دامىعان ەلدەن وزىپ, بۇۇ-نىڭ تسيفرلانعان مەملەكەتتەر رەيتينگٸندە ٷزدٸك وتىز ەلدٸڭ قاتارىنا كٸرەدٸ", - دەدٸ توقاەۆ.
ايتا كەتەيٸك, بٷگٸن مەملەكەت باسشىسى استانادا Digital Bridge 2022 حالىقارالىق تەحنولوگييالىق فورۋمىن اشتى. بيىلعى فورۋمنىڭ تاقىرىبى - "ورتالىق ەۋرازييا جاڭا تەحنولوگييالىق پلاتفورما رەتٸندە".
