2019 jyly Qazaqstan arqyly 19,4 mln tonna tranzittik júk tasymaldandy, dep habarlaidy "Ult aqparat" Indýstriia jáne infraqurylymdyq damý ministrliginiń baspasóz qyzmetine silteme jasap.
«2019 jyldyń qorytyndysynda Qazaqstan arqyly tasymaldanǵan tranzittik júk kólemi 19,4 mln tonnaǵa jetti. Onyń ishinde temir jol kóligi arqyly tranzittik tasymaldaý kólemi 17,5 mln tonnany qurady. Kóliktiń bul túrimen elimiz aýmaǵy arqyly ótetin tranzittik júk aǵynynyń negizgi úlesi, iaǵni 75,6% nemese 11,5 mln tonnasy Ortalyq Aziia elderine tiesili. Atap aitsaq, ol kórsetkishtiń 7,1 mln tonnasy Ózbekstanǵa, 2,26 mln tonnasy Qyrǵyzstanǵa, 1,2 mln tonnasy Tájikstanǵa, 0,26 mln tonnasy Aýǵanstanǵa keledi. Reseidiń úlesi 2,8% bolsa, tranzittik júktiń 13,8% Qytaiǵa, 7,1% Eýropa Odaǵy elderine tiesili», - delingen ministrlik habarlamasynda.
Temir jol kóligi arqyly Qazaqstan aýmaǵymen qandai júk tasymaldanady degenge kelsek, 18.5%-pen birinshi orynda munai tur. Odan keiin qara metaldar - 10,7%, himikattar men soda - 6,8%, himiialyq jáne mineraldyq tyńaitqyshtar - 2,2%, astyq - 1,7% quraidy. Ózge de júkter - 55,6%.
Al avtokólikpen 2019 jyly 1,93 mln tonna tranzittik júk tasymaldandy. Jáne ol júktiń negizgi baǵyttary mynandai boldy: Qytaidan Eýropa Odaǵy elderine – 14 myń tonna, Ortalyq Aziia elderine 779 myń tonna, Reseige 61,7 myń tonna júk jetkizildi. Ortalyq Aziia elderinen Eýropa Odaǵyna 106,5 myń tonna, Reseige 396 myń tonna, Qytaiǵa 5,4 myń tonna júk aparyldy. Reseiden Ortalyq Aziia elderine 9,7 myń tonna, Eýropa Odaǵy elderinen Ortalyq Aziiaǵa 567 myń tonna, Qytaiǵa 2,7 myń tonna tranzittik júk jetkizildi.
Avtokólikter arqyly negizinen mashinalar, mehanizmder, qural-jabdyqtar men apparatýralar tasymaldandy. Onyń ishinde elektrondyq jabdyqtar - 20,1%, ósimdik ónimderi - 17,3%, halyq tutynatyn taýarlar - 15%, bastapqy materialdar, matalar, toqyma materialdary men buiymdar - 11,5% jáne t.b. taýarlar qurady.
«Qazaqstan aýmaǵy arqyly konteinerlerdiń tranzittik tasymalynyń jalpy kólemi 23% artyp, 664 myń konteinerge jetti. Onyń ishinde Qytai–Eýropa–Qytai baǵytyndaǵy konteinerler sany 11% artyp, 347 myń konteinerdi qurady. Osylaisha Qazaqstan 2019 jyly tranzittik tasymaldaýlardan 450 mlrd teńgeden astam tabys tapty», - dep atap ótti ministrlik.
