«Qazaqstan temir joly» kompaniiasynyń laýazymdy qyzmetkerleri vagondardy kedergisiz ótkizý úshin para alyp kelgen. Bul týraly QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov aitty, dep habarlaidy "Ult aqparat".
«Jemqorlyq jaǵdailary «QTJ» UK» AQ-ta da jii kezdesedi. Ol kompaniiadaǵy jekelegen jetekshiler vagondardy kedergisiz ótkizý ushin kásipkerlerden iri kólemde para alyp kelgen. Mundai jaǵdailardyń Almaty, ShQO, Qostanai, Aqmola, Qyzylorda, Pavlodar oblystary men Shymkentte tirkeldi», - dedi spiker Agenttiktiń onlain rejimdegi baspasóz máslihatynda.
Onyń aitýynsha jemqorlar ózderi uiymdastyrǵan qylmystyq jospardyń arqasynda edáýir baiyp alǵan.
«Para kólemi 100 myń teńgeden bastap 5 million teńgege deiin bolǵan. Bul isterde ondaǵan million teńgeniń jaǵdailary tergelýde», - dedi Daniiar Bekaidarov.
