«قازاقستان تەمٸر جولى» كومپانيياسىنىڭ لاۋازىمدى قىزمەتكەرلەرٸ ۆاگونداردى كەدەرگٸسٸز ٶتكٸزۋ ٷشٸن پارا الىپ كەلگەن. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ ايتتى, دەپ حابارلايدى "ۇلت اقپارات".
«جەمقورلىق جاعدايلارى «قتج» ۇك» اق-تا دا جيٸ كەزدەسەدٸ. ول كومپانيياداعى جەكەلەگەن جەتەكشٸلەر ۆاگونداردى كەدەرگٸسٸز ٶتكٸزۋ ۇششٸن كەسٸپكەرلەردەن ٸرٸ كٶلەمدە پارا الىپ كەلگەن. مۇنداي جاعدايلاردىڭ الماتى, شقو, قوستاناي, اقمولا, قىزىلوردا, پاۆلودار وبلىستارى مەن شىمكەنتتە تٸركەلدٸ», - دەدٸ سپيكەر اگەنتتٸكتٸڭ ونلاين رەجيمدەگٸ باسپاسٶز مەسليحاتىندا.
ونىڭ ايتۋىنشا جەمقورلار ٶزدەرٸ ۇيىمداستىرعان قىلمىستىق جوسپاردىڭ ارقاسىندا ەدەۋٸر بايىپ العان.
«پارا كٶلەمٸ 100 مىڭ تەڭگەدەن باستاپ 5 ميلليون تەڭگەگە دەيٸن بولعان. بۇل ٸستەردە ونداعان ميلليون تەڭگەنٸڭ جاعدايلارى تەرگەلۋدە», - دەدٸ دانييار بەكايداروۆ.
