«Qazaqstan temir joly» ulttyq kompaniiasynyń basshylyq quramy ózgerdi.
Bul týraly akionerlik qoǵamnyń BAQ-pen jumys jónindegi departamentiniń direktory Qaisar Jumabaiuly Facebook paraqshasynda jazdy.
Qaisar Jumabaiulynyń habarlaýynsha, «QTJ» UK» aktsionerlik qoǵamynyń basqarma tóraǵasy birinshi orynbasarynyń mindetin atqarýshy bolyp Baýyrjan Orynbasarov taǵaiyndalǵan.
«Buǵan deiin ol «QTJ» UK» AQ quramyndaǵy «Magistraldyq jeli direktsiiasy» filialynyń direktory boldy. Eńbek jolyn 1994 jyly joldar boiynsha kezekshi bolyp bastaǵan. Ár jyldary bas injener bolyp jumys istedi, QTJ filialdaryn – joldyń aimaqtyq bólimderin basqardy; vitse-prezident, QTJ basqarma tóraǵasynyń infraqurylym jónindegi orynbasary boldy», - dep jazdy BAQ-pen jumys jónindegi departament direktory.
Sonymen qatar, basqarma tóraǵasynyń logistika jónindegi orynbasarynyń mindetin atqarýshy bolyp Erjan Jaqyshev, basqarma tóraǵasynyń júk qozǵalysy jónindegi orynbasarynyń mindetin atqarýshy bolyp Qanat Álmaǵambetov taǵaiyndaldy.
