«قازاقستان تەمٸر جولى» ۇلتتىق كومپانيياسىنىڭ باسشىلىق قۇرامى ٶزگەردٸ.
بۇل تۋرالى اكيونەرلٸك قوعامنىڭ باق-پەن جۇمىس جٶنٸندەگٸ دەپارتامەنتٸنٸڭ ديرەكتورى قايسار جۇمابايۇلى Facebook پاراقشاسىندا جازدى.
قايسار جۇمابايۇلىنىڭ حابارلاۋىنشا, «قتج» ۇك» اكتسيونەرلٸك قوعامىنىڭ باسقارما تٶراعاسى بٸرٸنشٸ ورىنباسارىنىڭ مٸندەتٸن اتقارۋشى بولىپ باۋىرجان ورىنباساروۆ تاعايىندالعان.
«بۇعان دەيٸن ول «قتج» ۇك» اق قۇرامىنداعى «ماگيسترالدىق جەلٸ ديرەكتسيياسى» فيليالىنىڭ ديرەكتورى بولدى. ەڭبەك جولىن 1994 جىلى جولدار بويىنشا كەزەكشٸ بولىپ باستاعان. ەر جىلدارى باس ينجەنەر بولىپ جۇمىس ٸستەدٸ, قتج فيليالدارىن – جولدىڭ ايماقتىق بٶلٸمدەرٸن باسقاردى; ۆيتسە-پرەزيدەنت, قتج باسقارما تٶراعاسىنىڭ ينفراقۇرىلىم جٶنٸندەگٸ ورىنباسارى بولدى», - دەپ جازدى باق-پەن جۇمىس جٶنٸندەگٸ دەپارتامەنت ديرەكتورى.
سونىمەن قاتار, باسقارما تٶراعاسىنىڭ لوگيستيكا جٶنٸندەگٸ ورىنباسارىنىڭ مٸندەتٸن اتقارۋشى بولىپ ەرجان جاقىشەۆ, باسقارما تٶراعاسىنىڭ جٷك قوزعالىسى جٶنٸندەگٸ ورىنباسارىنىڭ مٸندەتٸن اتقارۋشى بولىپ قانات ەلماعامبەتوۆ تاعايىندالدى.
