Astana qalasyndaǵy «EKSPO-2017» Halyqaralyq mamandandyrylǵan kórmesiniń resmi host-brodkasteri «Qazaqstan» RTRK» AQ boldy, dep habarlaidy "Ult aqparat" expo2017astana.com saityna silteme jasap.
Host-brodkaster barlyq 93 kún boiy Kórme aýmaǵynan televidenie jáne radio arqyly habar taratatyn bolady. Barynsha kóp aýditoriiany tartý maqsatynda «Qazaqstan» telearnasy Kórmeniń alǵashqy kúninen bastap, halyqaralyq shara óz jumysyn aiaqtaǵansha tikelei efirde transliatsiia júrgizedi.
Televiziialyq signal aldyn ala berilgen ótinimder boiynsha Kórmeniń Media Ortalyǵyna, «Qazmedia Ortalyǵy» men sheteldik aqparat quraldaryna berilip otyrady.
Kún saiyn Halyqaralyq kórme aýmaǵynda 10 jáne 5 kamerasy bar 4 JTS (jyljymaly televiziia stansalary), 2 MSS (mobildik spýtnik stansalary), jyljymaly keister bazasyndaǵy 4 JTS jumys isteidi.
Jalpy, Ekspo-2017 kórmesin aqparattyq súiemeldeýge «Qazaqstan» RTRK» AQ barlyq tehnikasy men 146 tehnikalyq qyzmetkeri jumyldyrylady. Aita keterligi, Live-rejimde sharanyń ashylý saltanatynan habar taratýǵa birneshe eýropalyq jáne amerikalyq arnalar ótinimderin aldyn ala berip qoidy.
«Astana «EKSPO-2017» brodkastingin uiymdastyrýdaǵy basty erekshelik - tiisti aimaqtyq telearnalardan bastap, halyqaralyq telearnalardyń barlyǵy Kórmedegi «kartinany» tegin paidalana alatyn bolady.
«Astana «EKSPO-2017» UK» AQ men «Qazaqstan» RTRK» AQ arasynda 2017 jylǵy 2 mamyrda tiisti kelisimshartqa qol qoiyldy.
