Qazaqstan Tájikstanǵa portativti ókpeni jasandy jeldetý apparattaryn bermek. Bul týraly Ortalyq kommýnikatsiialar qyzmetindegi brifing barysynda QR Densaýlyq saqtaý vitse-ministri Liýdmila Biýrabekova aitty, dep habarlaidy QazAqparat.
«Qazirgi ýaqytta barlyq el bir-birine kómek kórsetip jatyr. Elimizge de basqa memleketter gýmanitarlyq kómek berýde. Rasynda da Qazaqstan Úkimeti Tájikstanǵa jyldyń sońyna qarai portativti ókpeni jasandy jeldetý apparaty túrindegi gýmanitarlyq kómek kórsetý týraly máseleni qarastyrylýda. Bul portativti apparat ekendigin atap ótkim keledi. Ol patsientti jedel járdem kóligimen tasymaldaý úshin qoldanylady», - dedi vitse-ministr BAQ ókilderiniń saýalyna orai.
Onyń atap ótýinshe, portativti ókpeni jasandy jeldetý apparaty elimizde, Aqmola oblysynda shyǵarylady.
«Búginde atalǵan óndirýshi óziniń óndiristik qýatyn arttyryp otyr. Kásiporyn túrkiialyq kompaniiamen birge portativti ókpeni jasandy jeldetý apparatynan bólek qazirgi ýaqytta bizge asa qajetti bolyp otyrǵan statsionarlyq ókpeni jasandy jeldeý apparatyn shyǵarýdy josparlaýda. Óndiris taiaý aralyqta jolǵa qoiylady jáne jyldyń sońyna deiin elimizdiń barlyq aýrýhanalaryna qajetti portativti jáne statsionarlyq ókpeni jasandy jeldetý apparattarmen qamtamasyz etedi»,- dedi Liýdmila Biýrabekova.
