Qazaqstan Tájikstannan keletin sýdy Ózbekstan aýmaǵy arqyly kedergisiz ótkizý máselesin talqylady. Bul týraly QR Ekologiia, geologiia jáne tabiǵi resýrstar ministrligi habarlady.
29 maýsymda Dýshanbe qalasynda Halyqaralyq Araldy qutqarý qory (HAQQ) Basqarmasynyń otyrysy aiasynda Qazaqstan Respýblikasy Premer-Ministriniń orynbasary Roman Skliar men QR Ekologiia, geologiia jáne tabiǵi resýrstar ministri Maǵzum Myrzaǵalievtiń Ózbekstan Respýblikasy Premer-Ministriniń orynbasary Shýhrat Ǵanievpen jáne Ózbekstan Respýblikasy Sý sharýashylyǵy ministri Shavkat Hamraevpen ekijaqty kezdesýi ótti.
Taraptar Shardara sý qoimasyndaǵy sý sharýashylyǵy jaǵdaiyn jaqsartý maqsatynda Ózbekstan aýmaǵy arqyly kedergisiz sý tranzitiniń máselesin talqylady. Atalǵan sý kólemin Qazaqstan Respýblikasynyń ótinishi boiynsha tájik tarapy «Bahri Tochik» sý qoimasynan qosymsha jiberetin bolady.
Sondai-aq ministr M.Myrzaǵaliev Transshekaralyq sý obektilerin birlesip basqarý jáne paidalaný týraly jobany kelisýdi aiaqtaý mańyzdy ekenin atap ótti.
Kezdesý nátijesinde taraptar Transshekaralyq sý obektilerin birlesip basqarý jáne paidalaný týraly kelisimdi talqylaý jóninde keńes ótkizýge kelisti.
