قازاقستان تەجٸكستاننان كەلەتٸن سۋدى ٶزبەكستان اۋماعى ارقىلى كەدەرگٸسٸز ٶتكٸزۋ مەسەلەسٸن تالقىلادى. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترلٸگٸ حابارلادى.
29 ماۋسىمدا دۋشانبە قالاسىندا حالىقارالىق ارالدى قۇتقارۋ قورى (حاقق) باسقارماسىنىڭ وتىرىسى اياسىندا قازاقستان رەسپۋبليكاسى پرەمەر-مينيسترٸنٸڭ ورىنباسارى رومان سكليار مەن قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆتٸڭ ٶزبەكستان رەسپۋبليكاسى پرەمەر-مينيسترٸنٸڭ ورىنباسارى شۋحرات عانيەۆپەن جەنە ٶزبەكستان رەسپۋبليكاسى سۋ شارۋاشىلىعى مينيسترٸ شاۆكات حامراەۆپەن ەكٸجاقتى كەزدەسۋٸ ٶتتٸ.
تاراپتار شاردارا سۋ قويماسىنداعى سۋ شارۋاشىلىعى جاعدايىن جاقسارتۋ ماقساتىندا ٶزبەكستان اۋماعى ارقىلى كەدەرگٸسٸز سۋ ترانزيتٸنٸڭ مەسەلەسٸن تالقىلادى. اتالعان سۋ كٶلەمٸن قازاقستان رەسپۋبليكاسىنىڭ ٶتٸنٸشٸ بويىنشا تەجٸك تاراپى «باحري توچيك» سۋ قويماسىنان قوسىمشا جٸبەرەتٸن بولادى.
سونداي-اق مينيستر م.مىرزاعاليەۆ ترانسشەكارالىق سۋ وبەكتٸلەرٸن بٸرلەسٸپ باسقارۋ جەنە پايدالانۋ تۋرالى جوبانى كەلٸسۋدٸ اياقتاۋ ماڭىزدى ەكەنٸن اتاپ ٶتتٸ.
كەزدەسۋ نەتيجەسٸندە تاراپتار ترانسشەكارالىق سۋ وبەكتٸلەرٸن بٸرلەسٸپ باسقارۋ جەنە پايدالانۋ تۋرالى كەلٸسٸمدٸ تالقىلاۋ جٶنٸندە كەڭەس ٶتكٸزۋگە كەلٸستٸ.
