QR Prezidentiniń janyndaǵy Qazaqstan strategiialyq zertteýler institýty Pensilvaniia ýniversitetiniń «2020 jyly COVID-19-qa úzdik saiasi jáne institýtsionaldy jaýap» nominatsiiasy boiynsha eń úzdik tizimge kirdi jáne kezekti ret Ortalyq Aziiadaǵy eń úzdik analitikalyq ortalyq dep tanyldy, dep habarlaidy "Ult aqparat" QSZI saityna silteme jasap.
28 qańtarda Pensilvaniia ýniversitetiniń álemdegi ǵylymi-saraptamalyq ortalyqtarynyń «Global Go To Think Tank Index Report» jyl saiynǵy reitingi usynyldy, ol «aqyl-oi ortalyqtarynyń» eń bedeldi álemdik reitingi bolyp sanalady. Reiting professor Djeims MakGannyń jetekshiligimen «Aqyl-oi ortalyqtary jáne azamattyq qoǵam» baǵdarlamasy sheńberinde jasalady. Ol qurylǵaly beri 15-shi ret ótkizilip otyr.
2020 jyly Pensilvaniia ýniversiteti álemdegi 11 175 aqyl-oi ortalyǵynyń qyzmetin taldady, onyń ishinde 43 ortalyq Qazaqstannan boldy.
«Jalpy, reiting baǵalanatyn ortalyqtar, sondai-aq ekonomikalyq jáne saiasi zertteýler salasyndaǵy 4 myńǵa jýyq maman, saiasatkerler men jýrnalisterge júrgizilgen saýalnama nátijesi negizinde qurylady. Reitingini qalyptastyrýdyń sońǵy kezeńine bedeldi sarapshylar toby qatysady, olardyń pikiri negizinde qorytyndy reiting shyǵarylady. Reitingini qalyptastyrý úshin aqyl-oi ortalyqtaryn ǵylymi-taldamalyq jumystyń sapasy men bedeline, fýnktsionaldyq jáne uiymdastyrýshylyq baǵytyna, konferentsiialar, brifingiler jáne resmi kezdesýler ótkizetin ortalyqtyń tanymaldyǵyna, sondai-aq erekshe júldeler týraly málimetterge negizdelgen qurylmdaityn 30-dan astam túrli kriterii qoldanylady», delingen habarlamada.
2020 jyldyń qortyndysy boiysha QR Prezidentiniń janyndaǵy Qazaqstan strategiialyq zertteýler institýty kezekti ret Ortalyq Aziiadaǵy eń úzdik saraptama ortalyǵy bolyp tanyldy.
«Ortalyq Aziiadaǵy jetekshi aqyl-oi ortalyqtary» nominatsiiasyna 10 qazaqstandyq analitika ortalyǵy kirdi. 2020 jyly «Global Go To Think Tank Index» esebinde usynylǵan barlyq qazaqstandyq saraptama ortalyqtary pozitsiialaryn jaqsartty: QR Ulttyq ekonomika ministrliginiń Ekonomikalyq zertteýler institýty (6 oryn), QR Qorǵanys jáne aeroǵarysh ónerkásibi ministrliginiń Ortalyq Aziianyń áskeri-strategiialyq zertteýler ortalyǵy (16 oryn), Qoǵamdyq máselelerdi taldaý ortalyǵy (25 oryn), QR BǴM Ǵylym komiteti R.B. Súleimenov atyndaǵy Shyǵystaný institýty (37 oryn), Qazaqstan menedjment, ekonomika jáne boljaý institýty (39 oryn), Álemdik ekonomika jáne saiasat institýty (41 oryn), «Nur Otan» partiiasy Saiasi taldaý jáne strategiialyq zertteýler ortalyǵy (44 oryn).
«Energetikalyq jáne resýrstyq saiasat boiynsha jetekshi aqyl-oi ortalyqtary»nominatsiiasy boiynsha QSZI 31-orynǵa ie boldy (barlyǵy usynylǵan - 60 ortalyq), «Qorǵanys jáne ulttyq qaýipsizdik salasyndaǵy jetekshi aqyl-oi ortalyqtary» reitinginde QSZI 97-oryndy saqtap qaldy (usynylǵan barlyǵy - 110 ortalyq).
2020 reitinginiń jańalyǵy - bul COVID-19-tyń aqyl-oi ortalyqtarynyń qyzmetine áseri jáne olardyń álemdik pandemiiaǵa reaktsiiasy. Bul jańa nominatsiia «2020 jyly COVID-19-ke qatysty úzdik saiasat jáne institýtsionaldy jaýap». kórinis tapty: Sarapshylar bul nominatsiiaǵa álemniń túkpir-túkpirinen 83 analitikalyq ortalyqty qosty, olardyń arasynda QSZI Qazaqstan men Ortalyq Aziia elderinen kirgen jalǵyz qurylym boldy.
