Qazaqstan Respýblikasy Úkimeti elge kelýshi azamattardyń 72 saǵattyq vizasyz rejimin ýaqytsha toqtatty, dep habarlaidy primeminister.kz. Bul týraly QR Úkimetiniń 2020 jylǵy 17 sáýirdegi №220 Qaýlysynda jazylǵan. "Ult aqparat" oqyrman nazaryna qujat mátinin usynady.
***
Qazaqstan Respýblikasy Úkimetiniń 2020 jylǵy 17 sáýirdegi №220 Qaýlysy
Kóship kelýshilerdiń Qazaqstan Respýblikasyna kelýiniń (ketýiniń) jáne olardyń Qazaqstan Respýblikasynda bolýynyń keibir máseleleri týraly
«Quqyqtyq aktiler týraly» 2016 jylǵy 6 sáýirdegi Qazaqstan Respýblikasynyń Zańy 46-babynyń 1-tarmaǵyna sáikes Qazaqstan Respýblikasynyń Úkimeti QAÝLY ETEDI:
1. Qazaqstan Respýblikasy Úkimetiniń 2012 jylǵy 21 qańtardaǵy № 148 qaýlysymen (Qazaqstan Respýblikasynyń PÚAJ-y, 2012 j., № 29, 388-qujat) bekitilgen Kóship kelýshilerdiń Qazaqstan Respýblikasyna kelýiniń jáne onda bolýynyń, sondai-aq olardyń Qazaqstan Respýblikasynan ketýiniń qaǵidalarynyń 17-tarmaǵynyń qoldanylýy 2020 jylǵy 1 qarashaǵa deiin toqtatyla tursyn.
2. «Qazaqstan Respýblikasy Úkimetiniń 2012 jylǵy 21 qańtardaǵy № 148 qaýlysymen bekitilgen Kóship kelýshilerdiń Qazaqstan Respýblikasyna kelýiniń jáne onda bolýynyń, sondai-aq olardyń Qazaqstan Respýblikasynan ketýiniń qaǵidalarynyń 26-1-tarmaǵynyń qoldanylýyn toqtata turý týraly» Qazaqstan Respýblikasy Úkimetiniń 2020 jylǵy 27 qańtardaǵy № 10 qaýlysyna («Egemen Qazaqstan», 2020 j. 28.01., № 18 (29747)) mynadai ózgeris engizilsin:
1-tarmaq mynadai redaktsiiada jazylsyn:
«1. Qazaqstan Respýblikasyna kelýdiń, bolýdyń jáne odan ketýdiń jetpis eki saǵattyq vizasyz rejiminiń qoldanylýy bóliginde Qazaqstan Respýblikasy Úkimetiniń 2012 jylǵy 21 qańtardaǵy № 148 qaýlysymen (Qazaqstan Respýblikasynyń PÚAJ-y, 2012 j., № 29, 388-qujat) bekitilgen Kóship kelýshilerdiń Qazaqstan Respýblikasyna kelýiniń jáne onda bolýynyń, sondai-aq olardyń Qazaqstan Respýblikasynan ketýiniń qaǵidalarynyń
26-1-tarmaǵynyń qoldanylýy 2020 jylǵy 1 qarashaǵa deiin toqtatyla tursyn.».
3. Qazaqstan Respýblikasynyń Syrtqy ister ministrligi Qazaqstan Respýblikasy Úkimetiniń 2012 jylǵy 21 qańtardaǵy № 148 qaýlysymen bekitilgen Kóship kelýshilerdiń Qazaqstan Respýblikasyna kelýiniń jáne onda bolýynyń, sondai-aq olardyń Qazaqstan Respýblikasynan ketýiniń qaǵidalarynda kórsetilgen memleketterge diplomatiialyq arnalar arqyly habarlama jibersin.
4. Qazaqstan Respýblikasynyń Syrtqy ister jáne Ishki ister ministrlikteri, Qazaqstan Respýblikasynyń Ulttyq qaýipsizdik komiteti (kelisý boiynsha) Qazaqstan Respýblikasynyń zańnamasynda belgilengen tártippen osy qaýlydan týyndaityn tiisti sharalardy qabyldasyn.
5. Osy qaýly qol qoiylǵan kúninen bastap qoldanysqa engiziledi jáne resmi jariialanýǵa tiis.
Qazaqstan Respýblikasynyń Premer-Ministri A. Mamin
