Qazaqstan shekarasynan ótken adamdar karantindik statsionarda 2 táýlikke deiin oqshaýlanady. Bul jaiynda QR Bas sanitarlyq dárigeri Aijan Esmaǵambetova qol qoiǵan el halqyn koronavirýs infektsiiasynan qorǵaý sharalaryn odan ary kúsheitý týraly qaýlysynda aitylǵan, dep habarlaidy "Ult aqparat".
«Oblystardyń, Almaty, Nur-Sultan, Shymkent qalalarynyń ákimderi, densaýlyq saqtaý basqarmalarynyń basshylary: Birinshiden, Qazaqstan Respýblikasynyń úkimettik delegatsiialaryn, Qazaqstan Respýblikasy Syrtqy ister ministrliginiń shaqyrýy boiynsha Qazaqstan Respýblikasyna keletin shet memleketterdiń jáne halyqaralyq uiymdardyń resmi delegatsiialarynyń múshelerin; Qazaqstan Respýblikasynda akkredittelgen diplomatiialyq ókildikterdiń, konsýldyq mekemelerdiń jáne halyqaralyq uiymdar ókildikteriniń qyzmetkerlerin jáne olardyń otbasy múshelerin; aviakompaniialar ushqyshtaryn jáne lokomotiv brigadalarynyń múshelerin qospaǵanda, Qazaqstan Respýblikasyna shetelden kelgen barlyq adamdardy, sondai-aq EAEO elderinen jáne Ózbekstan Respýblikasynan Qazaqstan Respýblikasynyń Memlekettik shekarasy arqyly temirjol kóliginde jáne avtoótpe joldarynda ótkizý pýnktteri arqyly kelgen adamdardy COVID-19-ǵa zerthanalyq tekserý júrgizý úshin karantindik statsionarda 2 táýlikke deiin oqshaýlaýdy qamtamasyz etsin», - delingen qaýlyda.
Sonymen qatar COVID-19 aýrýyn joqqa shyǵarmaityn belgileri bar adamdar karantindik statsionarǵa emes, provizorlyq statsionarǵa emdeýge jatqyzylady. COVID-19-ǵa zerthanalyq tekserý nátijelerin alǵannan keiin oń nátijeli adamdar emdeý úshin infektsiialyq statsionarǵa aýystyrylady, COVID-19-ǵa teris nátijeli adamdar 12 táýlik boiy úide (úi karantini) oqshaýlanady. Úide oqshaýlaý úshin jaǵdai bolmaǵan kezde osy qaýlyǵa 1 jáne 2-qosymshalarǵa sáikes karantindik statsonarda oqshaýlaý usynylady.
«Ekinshiden, Qazaqstan Respýblikasyna shetelden kelgen Qazaqstan Respýblikasynda akkredittelgen diplomatiialyq ókildikterdiń, konsýldyq mekemelerdiń jáne halyqaralyq uiymdar ókildikteriniń qyzmetkerleri jáne olardyń otbasy músheleri COVID-19-ǵa zerthanalyq tekserýge jáne 14 táýlik boiy úide ózin-ózi oqshaýlaýǵa (úi karantini) jatady», -delingen qujatta.
Munan bólek, aviakompaniialardyń ushqyshtary, lokomotiv brigadalarynyń músheleri qońyraý shalý arqyly (múmkindiginshe beineqońyraý shalý) turǵylyqty (kelgen) jeri boiynsha meditsinalyq baqylaýǵa alynady. EAEO elderinen jáne Ózbekstan Respýblikasynan Qazaqstan Respýblikasynyń Memlekettik shekarasy arqyly temirjol kóliginde jáne avtoótpe joldarynda ótkizý pýnktteri arqyly kelgen adamdar COVID-19-ǵa zerthanalyq tekserýge jáne 12 táýlik boiy úide ózin-ózi oqshaýlaýǵa (úi karantini); temirjol, teńiz kóligindegi tasymaldaý qyzmetimen bailanysty adamdar jáne júkterdi avtomobilmen halyqaralyq tasymaldaýdy júzege asyratyn júrgizýshiler, sondai-aq tranzittik júrgizýshiler shekarany kesip ótken oryndarynda COVID-19-ǵa zerthanalyq tekserýge jatady.
Vahtalyq ádispen jumys isteitin, «Teńizshevroil» JShS obektilerinen demobilizatsiialanǵan adamdar COVID-19-ǵa zerthanalyq tekserý júrgizý úshin kelgen orny boiynsha karantindik statsionarda 2 táýlikke deiin oqshaýlaýǵa jatady, oń nátijeli adamdar emdeý úshin infektsiialyq statsionarǵa aýystyrylady, COVID-19-ǵa teris nátijeli adamdar 12 táýlik boiy úide (úi karantini) oqshaýlanady. Úide oqshaýlaý úshin jaǵdai bolmaǵan kezde karantindik statsionarda oqshaýlaý usynylady.
«Úshinshiden, tiisti aýmaqtyń Bas memlekettik sanitariialyq dárigeri óńirdegi jáne álemdegi qalyptasqan epidemiologiialyq jaǵdaidy eskere otyryp, shet elderden kelgen jolaýshylardy karantindeý týraly sheshim qabyldaýǵa quqyly», - delingen qaýlyda.
