- Qazaqstanda sheteldikter men qazaqstandyqtardyń kirip-shyǵýyn baqylaýshy «Búrkit» biryńǵai aqparattyq júiesin jańǵyrtýdy josparlanýda.
Bul týraly búgin QR Ishki ister ministrligi jedel-kriminalistik departament basshysynyń mindetin atqarýshy Álisher Muhamedov málim etti, dep habarlaidy QazAqparat.
«Shyntóbe» diskýssiialyq alańynda «Daktiloskopiialyq jáne genomdyq tirkeý týraly» zań jobasyn talqylaý barysynda qazaqstandyq bloger Denis Krivosheev atalmysh júieniń kemshilikterine toqtaldy. Onyń sózinshe, elge kirgen sheteldikter uzaq kezekte turýǵa májbúr.
«Biz tólqujat tekserisinen ótemiz. Tamasha nárse. Sizderde «Búrkit» júiesi kidirip, turyp qalatyny bar. Tólqujatqa engizilgen chipter de jumys istemeidi. Sizderde adamdar tólqujatty arnaiy skanerge qoiady, ol barlyǵynyń qujattaryn skanerlep alady. Bunyń ózi 7-10 minýt ýaqytty alady», - dedi Krivosheev.
Óz kezeginde, Álisher Muhamedov «Búrkit» júiesi QR Ulttyq qaýipsizdik komitetiniń aqparattyq bazasy ekenin eske saldy. Degenmen ol blogerdiń suraǵyna jaýap berýge tyrysty.
«Qazirgi ýaqytta atalmysh júieni malaiziialyq júieniń negizinde jetildirý kózdelýde. Onda jańa jabdyqtar ornatylady, ol da avtomattandyrylǵan. Bul elektrondyq vizalardy engizý, shekarada baqylaýdy kúsheitý aiasynda júrgiziletin bolady», - dep atap ótti IIM ókili.
.jpeg)