Qazaqstan reseilik "Sber" kompaniialar tobymen memlekettik qyzmetterdi kórsetýdiń jańa tsifrlyq platformasyn engizý týraly kelisimnen bas tartýy múmkin. Qazir bul platformany qazaqstandyq IT-kompaniialar kúshimen ázirleý josparlanǵan. Bul týraly tsifrlyq damý jáne aeroǵarysh ónerkásibi vitse-ministri Asqar Jambaqin aitty, - dep habarlaidy Tengrinews.kz.
"Qazirgi geosaiasi jaǵdaiǵa jáne ózimizdiń basqa da tájiribelerdi qarap, memlekettik organǵa kiretin "UAT" AQ kúshimen jasaimyz. Sol platforma qazaqstandyq IT-kompaniialar kúshimen jasalynady. Qazir tehnikalyq-ekonomikalyq saraptama jasalyp jatyr. Jyl aiaǵyna deiin jańa platformanyń alǵashqy qyzmetteri qoldanyla bastaidy", - dedi Jambaqin OQK-da ótken brifingte jýrnalister suraǵyna jaýap berip.
Onyń aitýynsha, jańa platformany tolyq ázirleý jáne engizý shamamen 2-3 jylǵa sozylady.
